ТОШКЕНТ, 22 мар — Sputnik. Шавкат Мирзиёев Ироқ халқи ва президентига таъзия билдирди
Давлат раҳбари матбуот хизматининг маълум қилишича, Шавкат Мирзиёев Тигр дарёсида паром чўкиши оқибатида кўплаб инсонлар қурбон бўлгани муносабати билан Ироқ президенти Барҳам Аҳмад Солиҳга самимий ҳамдардлик билдирди.
Эслатиб ўтамиз, Ироқдаги Тигр дарёсида паром чўкиб кетди. Паром бортида 250 гача киши бўлган бўлиши мумкин. Сўнгги маълумотларга қараганда, ҳалокат оқибатида ҳалок бўлганлар сони 85 нафаргача етган.
ОАВ паромнинг чўкишига унга меъёридан 3 марта кўп юклангани сабаб бўлгани ҳақида ёзишмоқда.
