Жамият

Шавкат Мирзиёев дунёдаги энг катта масжидлардан бирига ташриф буюрди

© Пресс-служба президента УзбекистанаПрезидент Шавкат Мирзиёев посетил мемориал “Вахат аль-Карама”
Президент Шавкат Мирзиёев посетил мемориал “Вахат аль-Карама” - Sputnik Ўзбекистон
Мирзиёев Абу-Даби шаҳридаги Шайх Зоид бин Султон Ол Наҳаён мақбараси ҳамда масжидини зиёрат қилди.

ТОШКЕНТ, 25 мар – Sputnik. Ўзбекистон президенти Шавкат Мирзиёевнинг Бирлашган Араб Амирликларига расмий ташрифининг асосий тадбирлари бошланди. Бу ҳақда президент матбуот хизмати хабар қилди.

Шавкат Мирзиёев отбыл в Арабские Эмираты - Sputnik Ўзбекистон
Сиёсат
Шавкат Мирзиёев Бирлашган Араб Амирликларига жўнаб кетди

Давлат раҳбари, таомилга кўра, дастлаб Абу-Даби шаҳридаги Шайх Зоид бин Султон Ол Наҳаён мақбараси ҳамда масжидини зиёрат қилди.

Шайх Зоид бин Султон Ол Наҳаён Бирлашган Араб Амирликларининг биринчи президенти бўлган. У 2004 йили ўзи қурдирган мазкур масжид ёнида дафн этилган.

Бугунги кунда ушбу масжид ва мақбара мамлакат аҳолиси учун табаррук масканга, хорижий делегациялар раҳбарлари ташриф буюрадиган мажмуага айланган. Бу масжид дунёдаги энг катта масжидлардан бири бўлиб, қурилиш ишлари 1996 йилдан 2007 йилгача давом этган. Унда бир вақтнинг ўзида 40 минг киши намоз ўқиши мумкин.

© Пресс-служба президента УзбекистанаПрезидент Шавкат Мирзиёев посетил мемориал "Вахат аль-Карама"
Шавкат Мирзиёев дунёдаги энг катта масжидлардан бирига ташриф буюрди - Sputnik Ўзбекистон
Президент Шавкат Мирзиёев посетил мемориал "Вахат аль-Карама"

Мажмуага ташриф асносида Шайх Зоид бин Султон Ол Наҳаён руҳига Қуръон тиловат қилинди.

Президентга масжиднинг қурилиш тарихи,  ўзига хос хусусиятлари, сайёҳлар ва зиёратчилар учун яратилган шароитлар ҳақида сўзлаб берилди.

Шавкат Мирзиёев мақбаранинг Зиёратчилар китобида дастхат қолдирди.

“Қадр-қиммат воҳаси” маъносини англатувчи ушбу мемориал Бирлашган Араб Амирликлари озодлиги ва бирдамлиги учун қурбон бўлганлар шарафига бунёд этилган. Ёдгорлик бир-бирига таяниб турган 31 блокдан иборат бўлиб, раҳбарлар, ҳарбийлар ва фуқаролар ўртасидаги ўзаро ҳамжиҳатлик ва қўллаб-қувватлаш рамзи ҳисобланади. 

Ўзбекистон раҳбари ёдгорликнинг Фахрий меҳмонлар китобига дастхат қолдирди.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала