Ўзбекистонда январь-март ойларида нархлар қанчага ошди?

© REUTERS / StringerРынок Абу-Сахий в Ташкенте
Рынок Абу-Сахий в Ташкенте - Sputnik Ўзбекистон
Oбуна бўлиш
Умумий ҳисобда 2019 йилнинг январь-март ойларида истеъмол бозоридаги товар ва хизматлар нархи 4,3%га қимматлашди.

ТОШКЕНТ, 1 апр – Sputnik. 2019 йилнинг март ойи давомида товарлар ва хизматларнинг истеъмол нархлари ўртача 1,2 %га кўтарилди. Бу рақамлар Давлат статистика қўмитаси эълон қилган маълумотларда келтириб ўтилган.

Умумий ҳисобда 2019 йилнинг январь-март ойларида истеъмол бозоридаги товар ва хизматлар нархи 4,3%га қимматлашди.  2019 йилнинг январь ва февраль ойлари давомида истеъмол бозоридаги нархлар 1,5% ва 1,6%га ошган. 2018 йилнинг март ойига нисбатан республика истеъмол секторидаги ўртача нархлар даражаси 13,6%га кўтарилган 

2019 йилнинг март ойида товарлар нархи ўртача 1,2%га, жумладан, озиқ-овқат маҳсулотлари 1,5%, ноозиқ-овқат маҳсулотлари 0,8%га ошди. Хизматлар эса ой давомида 1,2%га қимматлашди. 2019 йилнинг март ойида озиқ-овқат маҳсулотларидан нархларнинг ўсиши борасидаги етакчилик мева-сабзавот ҳамда сут маҳсулотлари гуруҳига тегишлидир (нархлар мос равишда 4,5% ва 1,5%га қимматлашган). Тухум нархлари эса кетма-кет икки ой давомида арзонлашган (февралда 0,2%, март ойида 1,2%).

Центральный банк Узбекистана - Sputnik Ўзбекистон
Ўзбекистон ташқи қарзи мунтазам ўсиб бормоқда – бу яхшими ёки ёмон?

Йил бошига нисбатан умумий ҳисобида мева-сабзавот маҳсулотлари уч ой давомида 17,7%га, жумладан, мевалар 21,9%, сабзавотлар 20,5% ва картошка 1,3%га қимматлашган. 

2018 йилнинг декабрь ойига нисбатан нархларнинг кўтарилиш борасидаги кейинги етакчи ўринларни сут маҳсулотлари (8,1%) ҳамда умумий овқатланиш банд этган (8,0%). 

Ой давомида мева-сабзавот маҳсулотларидан карам (15,7%), полиз маҳсулотлари (тарвуз 11,1%, қовун 12,7%), помидор (10,4%), узум (9,4%), сабзи (7,2%) ва пиёз (6,2%) нархлари сезиларли даражада қимматлашди. Шу билан бир қаторда, бодринг (3,1%) ва картошка (0,4 %) нархларининг арзонлашганлиги кузатув натижаларида қайд этилган. Кузатилаётган бошқа турдаги мева ва сабзавот маҳсулотлари нархларида деярли жиддий ўзгаришлар қайд этилмади. 

Чорсу - самый старый базар в старом Ташкенте - Sputnik Ўзбекистон
Бозорда гўшт ва сут нархини барқарорлигини таъминлаш чоралари белгиланди

2018 йилнинг декабрь ойига нисбатан нархларнинг ўсиши борасидаги етакчи ўринлар узум (49,5%), тарвуз (45,1%), помидор (44,6%), қовун (34,1%), карам (26,0%), нок (25,1%), бодринг (14,6%) ва банан (14,2%) маҳсулотларига тегишлидир. 

Йиллик нарх ўзгаришлари таҳлилига кўра карам (3,1 баравар), сабзи (2,1 баравар), қовун (37,1%) ва тарвуз (34,9%), цитрус ҳамда қуруқ мевалар (мос равишда 17,2% ва 17,0%) нархлари бошқаларга нисбатан бирмунча юқори суръатда қимматлашди. Шулар билан бир қаторда, саримсоқ (41,6%), узум (33,0%), картошка (26,2%), пиёз (19,0%) ва олма (18,6%) нархлари арзонлашган. 

Жорий йилнинг март ойи давомида сутли маҳсулотлардан сут (2,4%), қатиқ, чучук қатиқ (2,3%), сузма (2,2%), суюлтирилган ва колбасали пишлоқ (2,1%) ҳамда қаймоқ (1,5%) нархлари қимматлашди.

“2019 йилнинг I чорагида маълумотларига асосан, 2018 йилнинг декабрь ойига нисбатан озиқ-овқат маҳсулотлари умумий нархи кўтарилиши 6,4 %ни ташкил этганлигига қарамай, умумий натижада чоракнинг ҳар бир ойидаги нархлар ўсиши тенденциясининг секинлашганини кўришимиз мумкин. Яъни январь ойида озиқ-овқат маҳсулотлари нархлари ўрта ҳисобда 2,8%га ошган бўлса, февраль ҳам март ойлардаги кўрсатгичлар мос равишда 2,0% ва 1,5:ни ташкил этган”, - дейилади Давлат статистика қўмитаси хабарида.

Хизматлар ва ноозиқовқат маҳсулотлар

Ўтган давр мобайнида ноозиқ-овқат маҳсулотлар нархлари ўсиши тасири динамикаси бир маромда кечмаган (январь ойида 13,3%, февраль ойида 32,9%гача кўтарилиб, март ойида 23,7%гача пасайган). Хизматларнинг тасир улуши эса доимий равишда ўсиб борган (январь ойидан март ойигача 6,7%дан 22,0%гача).

Ноозиқ-овқат маҳсулотлари нархларининг тасири ҳиссаси январь ойида 13,3%, февральда 22,2%, март ойида 23,3%ни ташкил этган. Март ойида ноозиқ-овқат маҳсулотлари нархларининг 0,8%га қимматлашиши, йиғма ИНИнинг ой давомидаги ўсишига 0,3 ф.д.да таъсир этди.

Ташкентский зоопарк - Sputnik Ўзбекистон
Тошкент ҳайвонот боғида нархлар ошди

Жорий йилнинг март ойида бирмунча йирик салмоқ вазнга эга асосий турдаги ноозиқ-овқат маҳсулотлари гуруҳи орасида шахсий гигиена маҳсулотлари (2,1%), кийим-кечак (1,7%) ва оёқ кийим (1,3%) нархларида асосий ўсиш кўрсаткичлари қайд этилган.

Автомобиллар учун ёқилғи нархлари ой давомида ўртача 0,3% (пропан 1,5%, метан 0,3%)га арзонлашган.

2018 йилнинг март ойидан 2019 йилнинг март ойигача уй-жой коммунал (25,3%) ҳамда таълим хизматлари (23,1%) нархлари бошқа турдаги хизматларга нисбатан сезиларли даражада қимматлашди.

Янгиликлар лентаси
0