Нукусда босқинчи икки кишини пичоқлади: улардан бири вафот этди

CC0 / pixabay / Силуэт человека с ножом в руке
Силуэт человека с ножом в руке - Sputnik Ўзбекистон
Oбуна бўлиш
Нукус шаҳрида босқинчи икки кишини пичоқлаб, воқеа жойидан яширинди. Жиноятни содир этган шахсни аниқлаш учун барча зарурий тезкор-қидирув ва тергов ҳаракатлари амалга оширилмоқда.

ТОШКЕНТ, 9 апр — Sputnik. Нукус шаҳрида босқинчи икки кишини пичоқлади.

Автомобиль скорой помощи - Sputnik Ўзбекистон
Самарқандда мастлик ҳолатида келиб чиққан ўзаро жанжал қотиллик билан якунди

Бош прокуратуранинг хабар қилишича, 8 апрель куни Нукус шаҳар, Тахтакўпир кўчаси 66-уйда яшовчи фуқаро уйида юрган номаълум шахснинг овозини эшитиб, у томонга борган вақтда номаълум шахс уни қасддан ўлдириш мақсадида кўкрак қафасининг ўнг қисмига пичоқ билан бир маротаба урган.

Шунингдек, номаълум шахс жабрланувчи уйдагиларни ёрдамга чақирган вақтда чиқиб келган турмуш ўртоғининг кўкрак қафасининг чап томонига пичоқ билан бир маротаба уриб, воқеа жойидан яширинган.

“А.Ш. олган тан жароҳати натижасида воқеа жойида вафот этган, Д.М. шифохонага ётқизилиб, зудлик билан кўрсатилган тиббий ёрдам натижасида унинг ҳаёти сақлаб қолинган”, - дейилади хабарда.

Мазкур ҳолат юзасидан Нукус шаҳар прокуратураси томонидан Ўзбекистон ЖКнинг 97-моддаси 2-қисми “а” банди билан жиноят иши қўзғатилган.

Эслатиб ўтамиз, аввалроқ Тошкент вилоятида талаба рашк туфайли қасддан одам ўлдиришга урингани ҳақида хабар қилган эдик.

Янгиликлар лентаси
0