Мирзиёев: бундай сифатли кўмир ҳеч қаерда йўқ

Oбуна бўлиш
Шавкат Мирзиёев Сариосиё туманидаги Шарғун кўмир конида олиб борилаётган ишлар билан танишди.

ТОШКЕНТ, 30 апр - Sputnik. Президент Шавкат Мирзиёев Сариосиё туманидаги Шарғун кўмир конида олиб борилаётган ишлар билан танишди, деб хабар қилмоқда президент матбуот хизмати.

Шавкат Мирзиёев ознакомился с ходом модернизации Тупалангской гидроэлектростанции - Sputnik Ўзбекистон
Шавкат Мирзиёев Тўполанг гидроэлектр станциясини кўздан кечирди

Хабарда таъкидланишича, Шарғун кўмири сифатининг юқорилиги, захираси кўплиги билан бошқалардан ажралиб туради. Бугунги кунда бу ерда 2017-2020 йилларга мўлжалланган 105,5 миллион долларлик лойиҳа амалга ошириляпти. Хитой билан ҳамкорликдаги ушбу лойиҳа натижасида 2021 йилдан бошлаб бир йилда 900 минг тонна тошкўмир қазиб олинади. 600 та иш ўрни яратилади. “Ўзбекэнерго” акциядорлик жамиятининг Ангрен ва Янги-Ангрен иссиқлик электр станциялари, цемент заводлари, аҳоли ва бошқа истеъмолчиларга тошкўмир етказиб бериш кўпаяди. 

Айни пайтда коннинг асосий захираси томон туннел қазиб борилмоқда. Ҳозиргача 2 километрдан зиёд шундай йўл қурилди. Яна 1,5 километрдан сўнг, 33 миллион тонналик асосий кўмир захирасига етиб борилади.  

Давлат раҳбарига Сурхондарё вилоятида тошкўмир қазиб чиқаришни ривожлатиришнинг асосий йўналишлари ҳақида маълумот берилди. 

“Бундай сифатли кўмир ҳеч қаерда йўқ. Ақл, илм билан ундан самарали фойдаланиб, халқимиз манфаати учун ишлатишимиз керак”, - деди Мирзиёев

Президент отбыл в Сурхандарью - Sputnik Ўзбекистон
Шавкат Мирзиёев Сурхондарёга жўнаб кетди

Маълум бўлишича, шу ернинг ўзида “Шарғункўмир” акциядорлик жамиятини модеризация қилиш, Бойсун ва Шеробод туманларидаги конларда кўмир қазиб чиқаришни ташкил этиш, Сариосиё тумани ва Шарғун шаҳарчасини 2019-2020 йилларда ижтимоий-иқтисодий ривожлантириш лойиҳалари тақдимоти ҳам ўтказилган.

Шавкат Мирзиёев кончиликни янада ривожлантириш, бунинг учун соҳага оид замонавий технологияларни яхши биладиган мутахассислар тайёрлаш зарурлигини таъкидлади. Шарғун шаҳарчасини янгидан қуриш,  тадбиркорлик ва чорвачиликни ривожлантириш бўйича топшириқлар берди, дейилади хабарда.

Янгиликлар лентаси
0