Хоразм вилоятида обунадан тушган маблағлар талон-торож қилинди

© SputnikКупюры номиралом пятьдесят тысяч сум
Купюры номиралом пятьдесят тысяч сум - Sputnik Ўзбекистон
Oбуна бўлиш
2017-2018 йилларда обуначилар томонидан тўланган 1,3 млрд. сўм пул маблағларидан 562,3 млн. сўми талон-торож қилганлиги аниқланди.

ТОШКЕНТ, 21 май – Sputnik.  Бош прокуратура ҳузуридаги Департаментнинг Хоразм вилоят бошқармаси томонидан “Матбуот тарқатувчи” АК ходимлари билан ҳамкорликда терговга қадар текшириш ўтказилди.

Хабарда айтилишича, текширишда “Матбуот тарқатувчи” АК Хоразм вилояти шўъба корхонаси директори О.К. 2017-2018 йилларда обуначилар томонидан тўланган 1,3 млрд. сўм пул маблағларидан 562,3 млн. сўмини ўғли А.К. ва қариндоши С.Ш.га қарашли “У.З.” МЧЖга ўтказиб талон-торож қилганлиги аниқланди.

Я помогал бедным: Ахмадбай прервал долгое молчание - Sputnik Ўзбекистон
Фуқаролар пулни ўз хоҳиши билан олиб келган. Уларни ҳеч ким мажбурламаган – Аҳмадбой

“Ушбу пул маблағлари эвазига “Каптива”, “Ласетти”, “Нексия” русумли автомашиналарни ҳамда шўъба корхона негизида ташкил этилган Ҳазорасп босмахонаси балансида бўлган ҳақиқий баҳоси 750,0 млн. сўмлик бино ва иншоотларни 16,7 млн. сўмга сотиб олиб, жиноий фаолиятдан олинган даромадларни легаллаштирганлиги аниқланган”, - дейилган хабарда.

Текширув давомида етказилган зарардан 562,0 млн. сўми ундирилиши таъминланган.

Худди шундай, “Матбуот тарқатувчи” АК Хонқа филиали раҳбари М.Р. ҳам 2018 йилда обуначилар томонидан тўланган 365,5 млн. сўм пул маблағларидан 214,0 млн. сўмини қариндоши Ш.А.га тегишли бўлган “А.С.” ХКга ўтказиб талон-торож қилиб, ушбу пул маблағлари эвазига Урганч шаҳридан турмуш ўртоғи А.А. номига уй сотиб олиб, жиноий фаолиятдан олинган даромадларни легаллаштирганлиги аниқланган.

Мазкур ҳолатлар юзасидан О.К. ва М.Р.ларга нисбатан Ўзбекистон Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

Янгиликлар лентаси
0