Мирзиёев ва Штайнмайер учрашуви вақти аниқ бўлди

© Пресс-служба президента УзбекистанаШавкат Мирзиёев пригласил Франка-Вальтера Штайнмайера в Узбекистан
Шавкат Мирзиёев пригласил Франка-Вальтера Штайнмайера в Узбекистан - Sputnik Ўзбекистон
Oбуна бўлиш
Ташриф якунида иқтисодиёт, молия, таълим, соғлиқни сақлаш ва атроф-муҳитни муҳофаза қилиш соҳаларида икки томонлама муносабатларни янада кенгайтиришга қаратилган келишувлар имзоланиши кутилмоқда

ТОШКЕНТ, 25 май - Sputnik. Президент Шавкат Мирзиёевнинг таклифига биноан Германия президенти Франк-Вальтер Штайнмайер жорий йил 27-29 май кунлари расмий ташриф билан Ўзбекистонда бўлади, деб хабар қилди президент матбуот хизмати.

Ўзбекистон-Германия муносабатлари - Sputnik Ўзбекистон
Ўзбекистон-Германия ҳамкорлиги: асосий рақамлар – Sputnik инфографикаси

Хабарда айтилишича, президентлар сиёсий, савдо-иқтисодий, инвестициявий, молиявий-техник ва маданий-гуманитар соҳалардаги икки томонлама ҳамкорликни кенгайтириш истиқболларини, шунингдек, Ўзбекистон – Европа Иттифоқи формати доирасидаги алоқаларни муҳокама қиладилар.

Шунингдек, халқаро ва минтақавий аҳамиятга молик долзарб масалалар юзасидан ҳам фикр алмашиш режалаштирилган.

Ташриф доирасида Франк-Вальтер Штайнмайернинг Ўзбекистон ва ГФР етакчи компания ва банклари, жамоатчилик вакиллари билан учрашиши, қатор саноат ва бошқа объектлар билан танишиши кўзда тутилган.

Федерал президент Хоразм вилоятига ташриф буюриб, Урганч давлат университети профессор-ўқитувчилари ва талабалари билан учрашади ҳамда Хива шаҳрининг тарихий ва меъморий обидалари билан танишади.

Ташриф якунида иқтисодиёт, молия, таълим, соғлиқни сақлаш ва атроф-муҳитни муҳофаза қилиш соҳаларида икки томонлама муносабатларни янада кенгайтиришга қаратилган келишувлар имзоланиши кутилмоқда.

 

Янгиликлар лентаси
0