Ҳодисалар

Ўзбекистон фуқаролари Мордовияда ЙТҲга учради, икки нафари ҳалок бўлган

© Sputnik / Павел Львов Авария
Авария - Sputnik Ўзбекистон
Авария оқибатида икки киши ҳалок бўлган, икки нафари жароҳатланган.

ТОШКЕНТ, 25 май - Sputnik. Ўзбекистон Ташқи ишлар вазирлиги Мордовияда ўзбекистонликлар ЙТҲга учрагани ҳақида хабар берди.

Машина после ДТП. Иллюстративное фото - Sputnik Ўзбекистон
Ҳодисалар
Қирғизистондаги ЙТҲ тафсилотлари: 5 нафар ўзбекистонлик ҳалок бўлди

Қозон шаҳридаги Бош консулхонаси маълумотига кўра 2019-йилнинг 25-май куни Мордовия Республикаси (Россия) ҳудудидан ўтадиган М5 “Урал” трассасида 4 нафар Ўзбекистон фуқароси кетаётган "Спарк" автомобили йўлнинг қарама-қарши йўналиш қисмига ўтиб кетиб қаршисидан келаётган юк машинасига урилиб кетган.

Натижада ҳайдовчи Дадахонов Носиржон (1961-йилда туғилган), ва йўловчи Жамолиддинов Дилшодбек (1991-й.да туғилган), олинган жароҳатдан воқеа жойида вафот этган.

Фуқаролар Қодиров Абдуғаффор (1969-й.да туғилган), ва Холиқов Абдиқодир (1969-й.да туғилган), Зубова Поляна туман шифохонасига жароҳат билан ётқизилган.

Уларнинг ҳолати, тиббиёт ходимлари берган маълумотга кўра, оғир барқарор.

Бош консулхона томонидан маҳаллий ҳукумат органлари билан алоқа ўрнатилган ва вазият назоратга олинган.

Консуллик-ҳуқуқий департаменти вафот этганларнинг оила аъзолари ва яқинларига таъзия билдириб қолган.

Эслатиб ўтамиз, Россиянинг Волга бўйи федерал округи (Бошқирдистон Республикаси, Марий Эл Республикаси, Мордовия Республикаси, Нижегород вилояти, Оренбург вилояти, Пенза вилояти, Перм ўлкаси, Самара вилояти, Саратов вилояти, Татаристон Республикаси, Удмуртия Республикаси, Улянов вилояти, Чувашия Республикаси) ҳудудидаги ўзбекистонликлар зарур вазиятларда мамлакатимизнинг Қозон шаҳридаги Бош консулхонасига қуйидаги телефон орқали мурожаат қилишлари мумкин: +7-967-772-66-00.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала