ТОШКЕНТ, 27 май – Sputnik. Россиянинг Хакасия ўлкаси Ширин туман раҳбари Сергей Зайцев "России 24" телеканали мухбирига ҳужум қилиб уни ерга қулатди. Ушбу воқеа жамоатчилик орасида қизғин муҳокамага сабаб бўлди, РИА Новости хабарига асосан.
Хакасияда 4 йил олдин юз берган табиий офат қурбонларига нима сабабдан ҳалигача жуда ёмон шароитда яшаётганини билиш учун келган “Россия 24” телеканали мухбири туман ҳокимининг кескин қаршилигига учради.
Телеканал тарқатган видеолавҳада, журналист туман ҳокимига савол бераётган вақтда, мансабдор шахс жойидан туриб унинг қўлидан микрофонни юлиб олмоқчи бўлади. Ундан сўнг журналистни ерга қулатади. Шундан сўнг ҳоким ва унинг ёрдамчилар оператор ва журналистни хонадан қувиб чиқаришади.
Интернетда пайдо бўлганидан сўнг ушбу видео катта шов-шувга сабаб бўлди. Туман ҳокимининг ҳатти-ҳаракати кескин танқидга учради.
Дастлаб унинг партиядошлари “Едина Россия” партияси аъзолари, Сергей Зайцевнинг ҳатти-ҳаракатларини кескин қоралаб, унинг номидан журналистлардан кечирим сўрашди.
Сенатор Алексей Пушков эса, ушбу хабардан сўнг Сергей Зайцев ўз вазифасида узоқ қола олмаслигини таъкидлаб унга “буюмларини йиғишни” маслаҳат берди.
Туман раҳбари Зайцевнинг ўзи эса – журналист уни “провокация” қилганини даво қилган.
Эслатиб ўтамиз, сўнгги йилларда Россияда ОАВ ва ижтимоий тармоқлар ёрдамида мансабдор шахслар нинг қилаётган ишлари омма эътиборига тушиб қолмоқда. Айтиш жоизки, ҳар бир ана шундай ҳолат юзасидан тегишли чоралар кўрилмоқда.
Шу ўринда ўтган йили содир бўлган воқеани ҳам эсга олса бўлади. Россия терма жамоаси футболчилари Кокорин ва Мамаев икки кишини сабабсиз калтаклагани учун 1,5 йилга қамалган эди. Уларнинг бойлиги ҳам, “юлдуз”лиги ҳам реал қамоқ жазосидан асраб қололмади.
