Банкоматлар орқали нақд пул олишда фоиз тўловини чегаралаш таклиф қилинди

© Foto : GlobUzВ Ташкенте заработал первый банкомат с функцией обмена валюты
В Ташкенте заработал первый банкомат с функцией обмена валюты - Sputnik Ўзбекистон
Oбуна бўлиш
Банкоматлар ўзлари тегишли бўлган банк пластик карточкаларидан фоиз ушламасин – деган петиция муаллифи.

ТОШКЕНТ, 31 май – Sputnik. “Mening fikrim” жамоавий мурожаатлар веб-порталида банкоматлар орқали нақд пул олинганда фоиз тўловини чегаралаш тўғрисида петиция жойлаштирилди.

На рынках Ташкента заработали банкоматы для выдачи наличных - Sputnik Ўзбекистон
Банкоматлар орқали нақд пул ечиб олиш ҳажми 50 баравар ошди

Петиция муаллифига кўра, ҳозирда пластик картадаги пулни нақдлаштириш жараёнида тўлов  1 фоиз этиб белгиланган. Агарда 1 млн. сўм нақд пул нақдлаштирса, унда 10 минг сўм қўшимча ҳақ олиб қолинади. Бошида текин бўлган бу амалиёт айни вақтда 1 фоиз этиб белгиланди.

“Банк муассасалари буни банкоматга кетадиган харажатлар: интернет, техник таъминот, назорат қилиш каби харажатларни қоплаш учун олинади деб тушунтиришди. Майли, банкнинг ўз харажатлари борлигини тушунган ҳолатда 1 фоизга қаршилик йўқ, лекин қанча кўп пул ечиб олсангиз шунча кўп маблағ йўқотасиз. Агарда сиз 5 млн. сўм нақдлаштирсангиз, 50 минг, 10 млн. сўм нақдлаштирсангиз, 100 минг сўм йўқотасиз. Бошқача айтганда, қанча кўп нақдлаштирсангиз, шунча зарарга тушасиз! Бу масалани кўриб чиқиш ва аҳолига қулайликлар яратиш керак”, - деб ёзган муаллиф.

Петицияда қуйидагилар таклиф қилинди:

биринчидан, банкомат орқали 1 млн. сўмдан ортиқ маблағ ечилганда, 10 минг сўмдан (яъни 1 млн.ни 1 фоизи) кўп фоиз ушланмаслик;

иккинчидан, агар фойдаланувчи бир ой давомида банкоматдан пул нақдлаштирса, қайси банкоматдан пул нақдлаштирганидан қатъий назар фақат 1 мартагина фоиз ушлаш;

учинчидан, қанча кўп пул ечилса, фоиз тўлови шунча камайиб бориш (1 млн. гача 1 фоиз, 5 млн. гача 0,5 фоиз ва ҳ.к.);

тўртинчидан, банкоматлар ўзлари тегишли бўлган банк пластик карточкаларидан фоиз ушламаслик.

Янгиликлар лентаси
0