ТОШКЕНТ, 13 июн – Sputnik. Россия ҳарбий космик кучлари самолётлари Идлибдаги террорчиларга тўртта бомба ҳужумини амалга оширди.
“Натижада Докмак аҳоли пункти ва Жебел-Таверта тепалигида жангарилар йирик тўплами ва дала артиллерияси йўқ қилинди. Бу жойдан Туркиянинг кузатув постига ўқ отилган”, - дейилган хабарда.
Ҳужум учун координатлар Анқара томонидан тақдим этилди. Ўқ отиш тўхтатилишига келишув бўлишига қарамасдан, “Жабҳат ан-Нусра” террорчилари-иттифоқчилар Туркия армиясининг кузатув постига зарба бергандан сўнг зарба амалга оширилди.
Сурия ҳукумат қўшинлари ҳали-хануз Идлибни назорат қилмайди. Москва ва Анқара террорчиларнинг провокацияларини олдини олишга ҳаракат қилмоқда. Бир неча кун аввал провинцияда вазият кескинлашди.
