Мексикада 1 метрли дўл ёғди – видео

© AFP 2023 / ULISES RUIZМексиканский город Гвадалахара оказался погребен под слоем льда после сильного града
Мексиканский город Гвадалахара оказался погребен под слоем льда после сильного града - Sputnik Ўзбекистон
Oбуна бўлиш
Ижтимоий тармоқларга жойлаштирилган суратларда муз қатлами кўчанинг катта қисмини тўсиб қўйгани, айрим автомобиллар қарийб муз қатлами остида қолиб кетганини кўриш мумкин.

ТОШКЕНТ, 1 июл – Sputnik. 30 июнь куни Мексиканинг Гвадалахара шаҳрида кучли дўл ёғди. Бу ҳақда Economista нашри хабар бермоқда.

Нашрнинг ёзишича, айрим жойларда ёққан дўлнинг баландлиги бир метр ёки ундан ҳам баландни ташкил этган.

​Маҳаллий ҳукумат кўчаларни дўл уюмларидан тозалаш мақсадида оғир техникани ишга солган. Ҳозирда фавқулодда вазиятлар хизмати табиий офатдан зарар кўрган биноларни текширмоқда.

Ижтимоий тармоқларга жойлаштирилган суратларда муз қатлами кўчанинг катта қисмини тўсиб қўйгани, айрим автомобиллар қарийб муз қатлами остида қолиб кетганини кўриш мумкин. Кўплаб бинолар қулаб тушган.

​Маълум қилинишича, ҳозирча табиий офатдан жабрланганлар ҳақида маълумот мавжуд эмас.

Хабарда бу каби кучли дўл ёғиши шаҳар тарихидаги илк ҳодиса эканлиги қўшимча қилинган.

Янгиликлар лентаси
0