ТОШКЕНТ, 1 июл – Sputnik. Марказий банк хорижий валюталарнинг сўмга нисбатан 2 июлдан бошлаб янги қийматини белгилади.
Доллар курси ўтган ҳафтага нисбатан 12,4 сўмга кўтарилиб, 8 574,74 сўмни ташкил қилди.
Евро эса 15,8 сўмга кўтарилиб, 9 747,76 сўмни ташкил қилди.
Россия рубли 0,49 сўмга кўтарилиб, 135,83 сўмни ташкил қилди.
Доллар курси апрель ойининг охирларида пасайганидан сўнг кетма-кет равишда кўтарилишда давом этмоқда.
Марказий банк хорижий валюталарни ушбу қийматда сотиш ёки сотиб олиш мажбуриятини олмаган.