Ҳодисалар

Қашқадарёдаги руҳий касалликлар шифохонаси ходимларига ҳайфсан эълон қилинди

© Sputnik / Александр КряжевВрач выходит из операционной
Врач выходит из операционной - Sputnik Ўзбекистон
Обуна бўлиш
Yandex newsTelegram
Ижтимоий тармоқларда Қашқадарё вилоят руҳий-асаб касалликлари шифохонасида бир беморнинг бошқа бемор томонидан аёвсиз калтаклангани ҳақида хабар тарқалмоқда.

ТОШКЕНТ, 5 июл – Sputnik. Ўзбекистон соғлиқни сақлаш вазирлиги Қашқадарё вилоят руҳий-асаб касалликлари шифохонасида юз берган ҳолат юзасидан ахборот берди.  

кулак, архивное фото - Sputnik Ўзбекистон
Ҳодисалар
МИБ ходимлари калтаклагани бўйича расмий маълумот берилди

Хабарга кўра, шу кунларда ижтимоий тармоқларда Қашқадарё вилоят руҳий-асаб касалликлари шифохонасида бемор бошқа бемор томонидан аёвсиз калтаклангани ҳақида хабар тарқалган. Қашқадарё вилоят соғлиқни сақлаш бошқармаси мутахассислари вазиятни жойига чиқиб ўргандилар.

Маълум бўлишича, вилоят руҳий-асаб касалликлар шифохонасида 2019-йил 20-июнь куни 95 нафар бемор даволанишда бўлган. Калтакланган бемор ҳам шу куни шифохонага қабул қилинган. Бемор шифохонага келган кунида унда агрессив ҳолат кучли бўлган. Эртасига, яъни 21 июнь куни эрталаб тахминан соат 4-5 оралиғида ҳам унинг аҳволи ҳали у қадар енгилламаган бўлган. Сабаби, бажарилган тиббий муолажалар таъсир этиши учун муайян муддат вақт талаб этилади. Шу боис, М.Т. кичик тиббий ходим кузатувида ҳожатхонага борганда у ердаги икки нафар беморга тажовуз қилган, беморлар эса уни дўппослаган. Шовқин-суронни эшитган тиббиёт ходимлари уларни тезлик билан ажратишган.

“Шуни айтиш жоизки, вилоят руҳий-асаб касалликлар шифохонасига ўзига ўзи хизмат қила оладиган беморлар қабул қилинади. Шу боис, кичик тиббий ходимлар уларни фақат ҳожатхона ташқарисида кузатиб туради. Бироқ, шифохонага руҳий қўзғалиш ҳолатида келган беморлар томонидан шифохона ходимларига ва бир-бирига жароҳат етказиш ҳолатлари учраб туради.

Полесский радиационно-экологический заповедник в Белоруссии - Sputnik Ўзбекистон
Ҳодисалар
Самарқандда 9 ёшли бола ит тишлашидан вафот этди

Бундай муаммоларнинг олдини олиш учун шифохона ходимлари ҳушёр ва огоҳ бўлиши лозим. Шу боис, юқоридаги ҳолат келиб чиқишида назоратни бўшаштирган тиббий ходимларга нисбатан ҳайфсан эълон қилинди. Ушбу ҳолат такрорланмаслиги учун шифохона ходимларининг масъуллигини ошириш, шифохонада назоратни кучайтириш борасидаги асосий вазифалар уқтирилди”, - дейилган хабарда.  

Ўрганишлар давомида беморнинг онаси қизини Косон туман тиббиёт бирлашмасидан вилоят руҳий-асаб касалликлар шифохонасига етказиш учун “тез ёрдам” машинаси ҳайдовчисига 50 минг сўм пул бергани тасдиғини топмади. Бемор шифохонага “тез ёрдам” машинасида эмас, тиббий хизмат машинасида олиб келинган. Тиббий хизмат машинаси ҳайдовчиси тушунтириш хатида беморнинг онасидан пул олмаганини, келтирилган важлар унга нисбатан туҳмат эканини қайд этди.

Янгиликлар лентаси
0