Ўзбекистон Бош вазири Қорақалпоғистонда тикувчи аёллар билан учрашди

© НОКАбдулла Арипов
Абдулла Арипов - Sputnik Ўзбекистон
Oбуна бўлиш
Арипов "Қорақалпоғистон" посёлкадаги "Устюрт чеварлари" МЧЖда бўлиб, бу ерда ишлаётган хотин-қизлар билан учрашди.

ТОШКЕНТ, 20 июл - Sputnik. Ўзбекистон бош вазири Абдулла Арипов "Бейнеу–Ақжигит–Ўзбекистон чегараси" автомагистралининг тантанали очилиш маросимида иштирок этиш арафасида Қўнғирот туманида бўлди, деб хабар беради ЎзА.

Азиатский банк развития  - Sputnik Ўзбекистон
ОТБ Қорақалпоғистон сув таъминоти тизими учун 145 миллион доллар ажратади

Бош вазир туман шимолида жойлашган "Қорақалпоғистон" посёлкаси фуқаролар йиғинига ҳам ташриф буюриб, бу ердаги хотин-қизларга яратилган шарт-шароитлар билан танишди.

Арипов посёлкадаги "Устюрт чеварлари" МЧЖда бўлиб, бу ерда ишлаётган хотин-қизлар билан учрашди.

Шу йил июль ойи бошларида иш бошлаган "Устюрт чеварлари" МЧЖ да бугунги кунда 50 нафар хотин-қиз иш билан таъминланган. Президент ташаббуси билан татбиқ этилган тизим – "Обод қишлоқ" дастури доирасида "Қорақалпоғистон" посёлкаси фуқаролар йиғинидаги бу корхона қайта ишга туширилди. Айни вақтда "Ўзтрансгаз" АЖ Қорақалпоғистонгаз филиалининг туман бўлими билан маҳсулот етказиб бериш юзасидан шартнома имзоланган.

Шунингдек, корхонада шу ҳудудда яшаётган аҳолининг эҳтиёжидан келиб чиқиб ва ички бозорни ўрганган ҳолда кундалик қўлланиладиган кўрпа-кўрпача чойшаблари, ёстиқжилдлар, кийимлар ҳам тикилмоқда. Келажакда ишлаб чиқариш кўламини кенгайтириб, яна 30 нафар хотин-қизни, айниқса, касб-ҳунар коллежлари битирувчиларини иш билан таъминлаш режалаштирилган.

Қўшни Қозоғистоннинг Бейнеу туманига тайёр маҳсулотларни экспорт қилиш ҳам мақсад қилинган.

Янгиликлар лентаси
0