Иқтисод

Ўзбекистонда икки йилда олтин ва кумуш қазиб олиш 300 тоннага етказилади

© Sputnik / Павел ЛисицынЗолотые слитки
Золотые слитки - Sputnik Ўзбекистон
Обуна бўлиш
Yandex newsTelegram
2020 йилда олтин ва кумуш қазиб олиш 150 тоннага, 2021 йилда эса 300 тоннага етказилади.

ТОШКЕНТ, 24 июл – Sputnik. Ер қаърини геологик жиҳатдан ўрганишни янада такомиллаштириш ва 2020–2021 йилларда минерал-хомашё базасини ривожлантириш ва қайта тиклаш давлат дастурини амалга ошириш чора-тадбирлари тўғрисидаги президент қарори қабул қилинди.

Золотые слитки - Sputnik Ўзбекистон
Иқтисод
Ўзбекистон оқ олтин ўрнига сариқ олтин экспортига ўтди

Қарор билан 2020–2021 йилларда минерал-хомашё базасини ривожлантириш ва қайта тиклаш давлат дастури маъқулланди.

Дастур доирасида фойдали қазилмаларнинг истиқболли майдонларини қидириш 2020 йилда 35 фоизга, 2021 йилда 40 фоизга етказилади.

2020 йилда олтин ва кумуш қазиб олиш 150 тоннага, 2021 йилда эса 300 тоннага етказилади.

Дастурни амалга ошириш учун жами 2 трлн 371 млрд 9 млн сўм маблағ ажратилади.

Қарор билан Геология-қидирув ишларини олиб боришни янада такомиллаштириш, ер қаърини оқилона ўрганиш ва ўзлаштириш, шунингдек, кон-геология соҳасининг инвестициявий жозибадорлигини ошириш бўйича “Йўл харитаси” тасдиқланди.

Алексей Зубец - Sputnik Ўзбекистон
Иқтисод
Долларни нима кутмоқда ва нега ҳамма олтин харид қилмоқда – эксперт фикри

“Йўл харитаси” доирасида геология-қидирув ишлари ҳисоботларини тузишнинг халқаро стандартлари жорий қилинади ва фойдали қазилмалар захиралари JORC Кодексига мувофиқ тасдиқланади.

Қаттиқ фойдали қазилма майдонлари ва конлари тўғрисидаги маълумотларни жойлаштириш учун ягона электрон онлайн платформа ишга туширилади.

Стратегик муҳим турдаги қаттиқ фойдали қазилмаларни ўзлаштириш учун инвестицияларни жалб қилиш бўйича Президент қарори лойиҳаси ишлаб чиқилади.

Лойиҳада фойдали қазилмаларни қидириш ва аниқлаш ҳуқуқи учун имтиёзли бонус ставкалари қайта кўриб чиқилади.

Шунингдек, инвестиция лойиҳасини амалга оширишнинг бутун даврида солиқ қонунчилигининг ўзгармаслиги кафолатлари таъминланади.

Янгиликлар лентаси
0