Президент ҳокимларни зарурат бўлмаганда тадбиркорлар мулкини бузмасликка чақирди

© Пресс-служба президента УзбекистанаШавкат Мирзиёев во время встречи с представителями Всемирного банка
Шавкат Мирзиёев во время встречи с представителями Всемирного банка - Sputnik Ўзбекистон
Oбуна бўлиш
Ҳокимликлар бузаётган бино ва иншоотлар туфайли жуда кўп компенсацион тўловлар келиб чиқмоқда. Инвесторлар ўз вақтида топилмаётгани сабаб ушбу тўловлар давлат зиммасига юкланмоқда, деди перзидент.

ТОШКЕНТ, 24 июл – Sputnik. Ўзбекистон президенти Шавкат Мирзёев ва вилоят ҳокимлари иштирокида бўлиб ўтган йиғилишда, зарурат бўлмаганда тадбиркорлар мулкини бузмасликка чақирди.

– Барча ҳокимларни қатъий огоҳлантираман – асосли зарурат бўлмаган ҳолда тадбиркорларга тегишли мол-мулкни бузишга умуман йўл қўйилмаслиги зарур ва шарт, – деди президент.

Шунингдек, тадбиркорларнинг бино-иншоотларини бузиш ва бунинг учун компенсация тўлаш борасида тизимли ёндашув йўқлиги танқид қилинди.

Машина скорой помощи - Sputnik Ўзбекистон
Қашқадарёда фуқаро унинг дўконини бузмоқчи бўлган ҳоким ўринбосарини ёқиб юборди

Албатта, жойларда амалга оширилаётган бунёдкорлик ишлари давомида айрим биноларнинг бузилиши табиий ҳол. Бироқ, аҳоли пунктларини истиқболда ривожлантириш режаларини ҳисобга олмасдан, катта ҳудудларда жойлашган иншоотлар бузиб юборилаётгани оқибатида жуда кўп миқдорда компенсация тўловлари келиб чиқмоқда, дейилган хабарда.

Ундан ташқари, ҳокимликлар бузиладиган биноларнинг ўрнида янги корхоналарни қуриш бўйича инвесторларни топиб, компенсация тўловини уларнинг ҳисобидан тўланишини таъминламаётгани сабабли ушбу харажатлар давлат бюджети зиммасига тушмоқда.

Ушбу муносабат билан, Адлия ва молия вазирликлари, Савдо-саноат палатасига Бизнес-омбудсман иштирокида мол-мулкни бузиш ва компенсация тўлаш тартибларини янада такомиллаштириш юзасидан таклиф киритиш вазифаси қўйилди.

Эслатиб ўтамиз, кеча Қашқадарё туманларидан бирида тадбиркор унинг дўконини бузмоқчи бўлган ҳоким ўринбосарининг устига бензин сепиб ёқиб юборган эди. 

Янгиликлар лентаси
0