Хитойда ЙТҲга учраган ўзбекистонлик талаба ҳалок бўлди

CC0 / pixabay. / Мотоциклы едут по ночному городу
Мотоциклы едут по ночному городу - Sputnik Ўзбекистон
Oбуна бўлиш
Ўзбекистоннинг икки нафар фуқароси мотоциклда ЙТҲга учради. Улардан бири воқеа жойида ҳалок бўлди.

ТОШКЕНТ, 25 июл — Sputnik. Хитойда Ўзбекистоннинг икки нафар фуқароси мотоциклда ЙТҲга учради. Бу ҳақда ТИВ хабар қилди.

Мамлакатнинг Шанхай шаҳридаги (Хитой) Бош консулхонаси берган маълумотларга кўра, 23 июль куни Нанкин почта ва телекоммуникация университети (Цзянсу провинцияси) талабалари, Ўзбекистон фуқаролари М.Т. ва С.Ш. учинчи шахсларнинг иштирокисиз мотоциклда ЙТҲга учраган.

Аренда велосипедов в Узбекистане - Sputnik Ўзбекистон
Элчихона Жанубий Кореяда ўзбекистонлик талабалар қўлга олинганини тасдиқлади

Оқибатда М.Т. воқеа жойида ҳалок бўлган, С.Ш. эса жиддий жароҳатлар билан касалхонага ётқизилган.

Маълум қилинишича, Бош консулхона ходимлари томонидан мазкур масала назоратга олинган ва шу куннинг ўзида улар консуллик-ҳуқуқий ёрдам кўрсатиш учун Нанкин шаҳрига жўнаб кетганлар.

Ҳозирда университет ва Нанкин шаҳри ҳуқуқни муҳофаза қилиш органлари раҳбарияти ҳамда шаҳар касалхонасининг даволовчи шифокорлари билан алоқа ўрнатилган.

Янгиликлар лентаси
0