Россияда кўпхотинлиликни легаллаштириш аёллар сонининг эркакларникига нисбатан кўплиги туфайли келиб чиққан қатор ижтимоий муаммоларни ечиш имконини берарди, деб таъкидлади Москва муфтийси Ильдар Аляутдинов.
Жамиятшуноснинг фикрича, цивилизациялашган давлатлар халқаро конвенциялар ва қонунчиликни бажариш сари қадам қўйишмоқда. Шундай вазиятда, Россиядаги кўпхотинлилик - бу аниқ-ки, орқага ҳаракат, деди Ольга Савинская Sputnik радиосига берган интервьюсида.
Ушбу ташаббус аёл ва эркаклар тенг ҳуқуқлилигини қўллаб-қувватлаш тўғрисидаги конвенциягагина эмас, балки РФ конституциясига ҳам зиддир.
Замонавий жамиятда эр - оғир вазиятда кўмак бериши лозим бўлган ягона инсонмас. Ижтимоий давлатнинг турли функцияларини ривожлантирмоқ керак, шунда эркаклар ҳам, аёллар ҳам кўмакни ҳис этадилар.
Эксперт кўпхотинлиликни ортга қайтиш, деб ҳисоблайди. Бошқа ижтимоий институтларга ҳам эътибор қаратиш ва нега одамлар иш топа олмаётгани ёки қўллаб-қувватловнинг бошқа турини ололмаётганликларини аниқлаштириш лозим. XXI асрда кўпхотинлилик тўғрисида гапириш - актуал эмас.
