ТОШКЕНТ, 8 окт - Sputnik. Ўзбекистонда 2019 йилнинг 9 ойида ичида экспорт қилинаётган маҳсулотлар тури ошган ва экспорт географийси кенгайган. Бу ҳақида президент Шавкат Мирзиёев ҳузурида бўлиб ўтган хорижий мамлакатлар билан эришилган келишувлар ижроси, янги инвестициявий ва ижтимоий-иқтисодий лойиҳалар муҳокамасига бағишланган йиғилишда хабар қилинди.
Йиғилишда маълум қилинишига кўра, 2019 йилнинг январь-сентябрь ойларида экспорт ҳажми қарийб 10 миллиард АҚШ долларини ташкил этиб, режа ошиғи билан бажарилган. Экспорт қилинаётган маҳуслотлар тури 74 тага ошган ва экспорт географияси 42 мамлакатга кенгайган. Ўсиш суръати асосан мева-сабзавотчилик, тўқимачилик, автомобилсозлик, энергетика тармоқлари ҳиссасига тўғри келган, дейилган хабарда.
Мажлисда шунингдек, президентнинг БААга ташрифи якунида имзоланган лойиҳалар муҳокама қилинди. Хусусан, 300 миллион доллар эвазига Самарқанд шаҳри инфратузилмасини ривожлантириш, Навоий вилоятида 200 миллион долларлик шамол ва 150 миллион долларлик қуёш электр станциялари қуриш, 203 миллион доллар эвазига Сирдарё вилоятида целлюлоза, омухта ем ва қурилиш материаллари ишлаб чиқарувчи агросаноат кластери ташкил этиш лойиҳалари ва бошқа масалалар кўриб чиқилди.
Мажлиснинг батафсил баёноти билан қуйида танишинг.
