Сиёсат

Мирзиёев Ўзбекистоннинг МДҲда раислиги давридаги тўртта устувор вазифани айтиб ўтди

© Sputnik / Алексей Дружинин / Фотобанкка ўтишПрезидент Узбекистана Шавкат Мирзиеев на заседании Совета глав государств Содружества Независимых Государств (СНГ).
Президент Узбекистана Шавкат Мирзиеев на заседании Совета глав государств Содружества Независимых Государств (СНГ). - Sputnik Ўзбекистон
Обуна бўлиш
Yandex newsTelegram
Ўзбекистон президенти Шавкат Мирзиёев Ашҳободдаги МДҲ аъзо-давлатлар раҳбарлари саммитида нутқ билан чиқар экан, 2020 йилда Мустақил Давлатлар Ҳамдўстлигидаги раислиги даврида қайси масалаларга диққат-эътиборини қаратиши тўғрисида сўзлаб берди.

ТОШКЕНТ, 11 окт - Sputnik. Ўзбекистон раҳбари ўз чиқиши давомида Ўзбекистон Республикаси Ҳамдўстликнинг замонавий дунёдаги ролини юқори баҳолашини ва шу билан бирга, МДҲнинг ривожланиши бўйича янгиланган концепцияни тезроқ қабул қилиниши тарафдори эканлигини маълум қилди.

“Илгариги концепция 10 йил муқаддам қабул қилинган эди. У замонавий воқеликларга жавоб бермайди. Биз барча жабҳаларда кўптомонлама, шу жумладан, МДҲ доирасида иккитомонлама асосда ўзаро муносабатларнинг ривожланиши тарафдоримиз”, - дея таъкидлади Шавкат Мирзиёев.

У Ўзбекистоннинг МДҲда раислиги даврида ривожлантирмоқчи бўлган устувор вазифаларни санаб ўтди. Буларнинг қаторида:

Руслан Гереев Руководитель Центра исламских исследований Северного Кавказа - Sputnik Ўзбекистон
Аналитика
Гереев: Афғонистон наркотрафиги Россия ва МДҲ мамлакатлари учун хавф туғдиради

- савдо-иқтисодий муносабатларни мустаҳкамлаш ва кучайтириш, жумладан, транспорт ва логистика масалаларини ишлаб чиқиш;

- қолган барча тузулмаларнинг самарали фаолиятини тасаввур қилиб бўлмайдиган йўналиш - илмий-техник ҳамкорликни ривожлантириш;

- минтақавий хавфсизлик, трансчегаравий тахдидлар – терроризм, наркотрафик, жиноятчилик кабиларга қарши кураш.

“Биз куни-кеча қўштирноқ ичидаги “демократик сайловлар”и ўтган Афғонистондаги вазият юзасидан ҳам ташвишдамиз. Натижалар қандай бўлади, у ердаги, айниқса мамлакат шимолидаги вазият қандай ўзгаради қабилидаги саволлар бизни хавотирга солади, шубҳасиз” – деди Ўзбекистон президенти.

У дўстона қабул учун туркман ҳамкасби Гурбангули Бердимуҳамедовга ўз миннатдорчилигини билдирар экан, Туркманистон бу йилги МДҲ давлат раҳбарлари форумига юқори марра қўйганини ва Ўзбекистонга эндиликда бу маррага мос бўлиш осон бўлмаслигини айтиб ўтди. Умуман олганда, Ўзбекистоннинг Мустақил Давлатлар Ҳамдўстлигидаги раислиги даврида - йил давомида 60 га яқин тадбир, хусусан, МДҲ аъзо-давлатлари вилоятлари биринчи форуми ҳамда мамлакатлар савдо-саноат палаталари раисларининг мажлиси ўтказилиши режалаштирилган.

Ўзбекистон тарафидан илгари сурилган таклифлар билан батафсил қуйидаги подкастда танишиш мумкин.

Мирзиёев назвал четыре приоритета Узбекистана в качестве председателя СНГ
Янгиликлар лентаси
0