Валюта тушуми муддатларини кечиктирган экспортёрларга жарима бўйича имтиёзлар белгиланди

© Sputnik / Виталий Тимкив / Медиабанкка ўтишКупюры американских долларов.
Купюры американских долларов. - Sputnik Ўзбекистон
Oбуна бўлиш
Киритилган ўзгартиришларга мувофиқ, чет эллардан хорижий валютадаги тушумнинг келиб тушиши муддатларини кечиктиришга йўл қўйган экспортёрларга жарималар тўлашда айрим имтиёзлар белгиланди.

ТОШКЕНТ, 25 окт – Sputnik. Президентнинг айрим ҳужжатларига ўзгартириш ва қўшимчалар киритилди.

Киритилган ўзгартиришларга мувофиқ, чет эллардан хорижий валютадаги тушумнинг келиб тушиши муддатларини кечиктиришга йўл қўйган экспортёрлар, шунингдек, товарларнинг республикага олиб кирилишини ва уларнинг “эркин муомалага чиқариш” режимида расмийлаштирилишини, ишлар ва хизматлар кўрсатишни белгиланган муддатларда таъминламаган импортёрлар томонидан жарималар тўлашда айрим имтиёзлар белгиланди.

Монета номиналом один рубль на банкноте один доллар США - Sputnik Ўзбекистон
Чет элдан Ўзбекистонга юборилган валюта ҳажми 18%га ошди – Марказий банк

Жумладан, валюта маблағларининг келиб тушиши ёки республикага товарларни олиб кириш ҳамда “эркин муомалага чиқариш” режимида расмийлаштириш, ишларни бажариш ва хизматлар кўрсатиш:

- агар жаримани қўллаш масаласини кўриб чиқиш пайтига келиб таъминланган бўлса – жарима қўлланилмайди;

- агар суднинг жаримани қўллаш тўғрисидаги қарорини ижро этиш пайтига келиб таъминланган бўлса – қўлланилган жарима тўланмайди;

- агар жарима қўлланилгандан кейин 90 кунлик муддат ичида таъминланган бўлса – тўланган жарима Давлат бюджетидан қайтариб берилиши лозим.

Янгиликлар лентаси
0