Иқтисод

Ўзбекистон Қирғизистонга мева ва сабзавотлар экспортини тўхтатмайди

© Sputnik / Асатур ЕсаянцГранат
Гранат - Sputnik Ўзбекистон
Обуна бўлиш
Yandex newsTelegram
Ўсимликлар карантини давлат инспекцияси Ўзбекистон ва Қирғизистон ўртасидаги "Дўстлик" чегара назорати пунктидан ўзбек қишлоқ хўжалиги маҳсулотлари экспорти давом эттирилаётгани ва ҳеч қандай юкнинг орқага қайтарилиш ҳолатлари қайд этилмаганлигини маълум қилмоқда

ТОШКЕНТ, 16 ноя - Sputnik. Ўзбекистон Қирғизистонга мева ва сабзавотларни экспорт қилишда давом этади, деб хабар қилди "Ўздавкарантин" инспекцияси ахборот хизмати.

Фрукты и овощи на центральном колхозном рынке в Краснодаре - Sputnik Ўзбекистон
Иқтисод
Қирғизистон Ўзбекистондан мева олиб киришни чеклаши мумкин

Эслатиб ўтамиз, сал олдин Қирғизистон қишлоқ хўжалиги вазирлиги Ўзбекистондан мева-сабзавот маҳсулотларини олиб кирилишига таъқиқ қўйиши мумкинлиги ҳақида хабар қилган эди. Бунга сабаб сифатида Ўзбекистондан Қирғизистонга олиб кирилаётган анор маҳсулотида Шарқ мевахўри – "Грапҳолита Молеста" ҳашароти аниқланганлиги таъкидланган. Айрим ахборот манбаларида мазкур ҳашарот "вирус" сифатида номланиб, нотўғри маълумотлар келтирилган.

Шу билан бирга, “Дўстлик” чегара назорат пунктида жорий йилнинг 12 ноябр куни Ўзбекистондан 35 тонна нок, беҳи, нўхат ва зиравор маҳсулотлар фитосанитар сертификатсиз ва махсус этикеткаларсиз юкланганлиги боис тўхтатиб қолинганлиги маълум қилинган.

Ўзбекистон Вазирлар Маҳкамаси ҳузуридаги Ўсимликлар карантини давлат инспекцияси "Дўстлик" чегара назорати пунктидан ўзбек қишлоқ хўжалиги маҳсулотлари экспорт қилиниши давом эттирилаётганлиги ва ҳеч қандай юкнинг орқага қайтарилиш ҳолатлари қайд этилмаганлигини алоҳида таъкидлаган.

Шавкат Мирзиёев провел видеоселекторное совещание по вопросам дальнейшего развития плодоовощеводства и увеличения экспорта отрасли, обеспечения эффективного использования приусадебных земель населения. - Sputnik Ўзбекистон
Иқтисод
Шавкат Мирзиёев: олинган мева нобуд бўлиб, тупроққа қорилмоқда

Ҳозирги кунда, Ўзбекистон ва Қирғизистон карантин хизматлари ўртасидаги ўзаро ҳамкорлик муносабатлари 2019 йил 1 августда имзоланган "Ўзбекистон Республикаси Ҳукумати ва Қирғизистон Республикаси ҳукумати ўртасида ўсимликлар карантини соҳасида ҳамкорлик Битими" асосида амалга оширилади, дейилган хабарда.

Халқаро амалиётга кўра, маҳсулотда зарарли карантин организмлар аниқланганда, Халқаро санитария ва фитосанитария чоралари талабларидан келиб чиқиб, импорт қилувчи давлатнинг карантин хизмати фитосанитария талаблари бузилганлиги юзасидан маҳсулотни экспорт қилган давлатга нотификатсия (билдиришнома) юбориши лозим.

Бироқ, шу кунга қадар ҳеч бир ҳолат юзасидан Қирғизистон карантин хизмати томонидан асослантирилган расмий нотификациялар (билдиришномалар) келиб тушмаган.

"Таъкидлаш жоизки, жорий йилнинг 15 ноябр куни "Ўздавкарантин" инспекциясига Қирғизистон Қишлоқ хўжалиги, озиқ-овқат саноати ва мелиорация вазирлигидан Ўзбекистондан экспорт қилинаётган қишлоқ хўжалиги маҳсулотлари 356 та ҳолатда фитосанитар сертификатларсиз олиб киришга уриниш содир этилганлиги, бундай хатти-ҳаракатларнинг 10 фоизида маҳсулотларда зарарли организмлар аниқланганлиги ҳақида хат келиб тушган.

Междунродная ярмарка овощей и фруктов в Ташкенте - Sputnik Ўзбекистон
Иқтисод
Президент мева-сабзавот экспорт ҳажмини 5 млрд долларга етказиш бўйича топшириқ берди

Хатда, шунингдек, бу каби ҳолатларга қарши биргаликда курашилишига ва икки давлат карантин хизматлари ўртасидаги ҳамкорлик янада кучайтирилишига умид билдирилган", - дейилган хабарда.

Ўз навбатида "Ўздавкарантин" инспекцияси мазкур масала юзасидан жавоб хати йўллаган бўлиб, унда Инспекция юқоридаги каби ҳолатларга қарши ҳамкорликда курашишга тайёр эканлиги қайд этилган ҳамда қирғиз томонидан кўрсатилган ҳолатлар юзасидан асосланган далиллар ва маълумотлар тезкорликда юборилиши сўралган.

Қирғиз томонидан жавоб хатлари олиниши биланоқ, Инспекция бу ҳақда жамоатчиликни хабардор қилади, дейилган хабарда.

Янгиликлар лентаси
0