ТОШКЕНТ, 22 ноя – Sputnik. Ўзбекистонда аралаш жанг санъати ассоциацияси раҳбари Отабек Умаров ассоциациянинг асосий мақсади ҳақида гапирди. Sputnik Ўзбекистон мухбири хабарига асосан.
Бугун Тошкентда GFС 20 аралаш яккакураш бўйича турнирига бағишланган матбуот анжумани ўтказилди. Унда UFC жаҳон чемпиони Ҳабиб Нурмагомедов ва Ўзбекистонда аралаш жанг санъати ассоциацияси раҳбари Отабек Умаров иштирок этмоқда.
“Асосий мақсадимиз – таклифимизни қабул қилиб GFС 20 чи юбилей мусобақасини Тошкентда ўтказишга рози бўлишганди. Бу албатта, бошланиши. Дунё миқёсига ўзимизнинг спортчиларимизни кўтариш, тажрибаси кучли бўлган чет эл мураббийларини таклиф қилиб, улар билан биргаликда маслаҳатлашган ҳолда шу спортни ривожлантирмоқчимиз.
Албатта бу биринчиси, кейинги йилга режаларимиз - юртимизда йиғинларни ўтказиш, ҳар бир вилоятларда яхши спортчиларни етиштириш, келажакда дунё ареналарида қатнашиш ва уларни бу ерга жалб қилиш - республикада йирик мусабақаларни ўтказишга ҳаракат қиламиз”, - деб таъкидлади Отабек Умаров.
Эслатиб ўтамиз, Отабек Умаров аралаш жанг санъати ассоциацияси раҳбари этиб сайланганди.
