Йўлкира ҳақини тўлашнинг автоматлаштирилган тизими жорий этилади

© Sputnik / Михаил Киреев / Медиабанкка ўтишОплата проезда электронными картами, архивное фото
Оплата проезда электронными картами, архивное фото - Sputnik Ўзбекистон
Oбуна бўлиш
Республиканинг барча ҳудудида йўловчи ташиш хизматлари учун 2021 йил 1 январдан бошлаб йўлкира ҳақини тўлашнинг автоматлаштирилган тизими амалга оширилади.

ТОШКЕНТ, 25 ноя – Sputnik. “Умумий фойдаланиладиган транспортда йўловчи ташишда йўлкира ҳақини тўлашнинг автоматлаштирилган тизимини жорий этиш тўғрисида” ҳукумат қарори қабул қилинди.

Автобусы - Sputnik Ўзбекистон
Автоматик тўлов: Ўзбекистонда жамоат транспорти учун ягона тўлов тизими жорий этилади

Қарорга мувофиқ, умумий фойдаланиладиган транспортда йўловчи ташиш учун йўлкира ҳақини тўлашнинг автоматлаштирилган тизимини жорий этиш босқичма-босқич:

- Тошкент шаҳрида “Тошшаҳартрансхизмат” АЖ ва “Тошкент метрополитени” УКнинг айрим йўналишларида кўрсатилган йўловчи ташиш хизматлари учун — 2020 йил 1 январдан бошлаб;

- Нукус шаҳри ва вилоят марказларида йўловчи ташиш хизматлари учун — 2020 йил 1 августдан бошлаб;

- республиканинг барча ҳудудида йўловчи ташиш хизматлари учун — 2021 йил 1 январдан бошлаб амалга оширилади.

Алоҳида фуқаролар тоифалари учун имтиёзли транспорт карталарини шахсийлаштириш ва карта таннархи бўйича сотиш давлат хизматлари марказлари орқали амалга оширилади.

Аҳолига транспорт хизмати кўрсатувчи юридик шахсларнинг  автоматлаштирилган тизимга уланиши йўловчи ташиш хизматлари кўрсатиш ҳуқуқини берувчи тендер (танлов) бўйича битимларда акс эттирилади.

Қарорга кўра, автоматлаштирилган тизим учун тарифларни белгилаш тартиби ишлаб чиқилади.

Унда, битта тўлов билан бир нечта транспорт ёки транспорт туридан фойдаланиш имконияти, йўналишдаги вақт ҳамда масофадан келиб чиққан ҳолда белгиланадиган тариф режаларини жорий этиш каби масалалар назарда тутилади.

Янгиликлар лентаси
0