ТОШКЕНТ, 28 ноя — Sputnik. Беларусь Хавфсизлик кенгаши раҳбари Станислав Зась КХШТнинг янги бош котиби бўлади. Бу ҳақда КХШТнинг бош котиби вазифасини бажарувчи Валерий Семериков журналистларга маъум қилди.
“Бугун президентлар Станислав Засни табриклашди. У 2020 йил 1 январдан бош котиб бўлади”, - дея Семериков сўзларидан келтиради Sputnik Қирғизистон.
Беларусь вакили ташкилотга кейинги 3 йил мобайнида раҳбарлик қилади.
Бугун Бишкекда Қирғизистон президенти Сооронбай Жээнбеков раислигида КХШТнинг саммити бўлиб ўтди. Унда Арманистон бош вазири Никол Пашинян, Беларусь президенти Александр Лукашенко, Қозоғистон президенти Касим-Жомарт Токаев, Россия президенти Владимир Путин ва Тожикистон президенти Эмомали Раҳмон иштирок этишди.
