Туркманистон-Ўзбекистон подстанцияларини боғловчи ЛЭПда фавқулодда ўчиш юз берди

© Sputnik / Сергей Мальгавко / Медиабанкка ўтишЛинии электропередач в окрестностях села Партизанское в Крыму
Линии электропередач в окрестностях села Партизанское в Крыму - Sputnik Ўзбекистон
Oбуна бўлиш
Маълум қилинишича, носозликлар тез орада бартараф этилиб, электр энергия импорти амалга оширилаётган линия қайта уланади

ТОШКЕНТ, 4 дек - Sputnik. Туркманистоннинг "Сердар" ва Ўзбекистоннинг "Қоракўл" подстанцияларини боғловчи 500 кВли ҳаво электр узатиш тармоғида вақтинча фавқулотда ўчиш ҳолати содир бўлди, деб хабар қилмоқда "Ўзбекистон миллий электр тармоқлари" АЖ Aхборот хизмати.

Линии электропередач, архивное фото - Sputnik Ўзбекистон
Туркманистон Ўзбекистонга электр энергиясини етказиб беришни бошлади

Ушбу магистрал электр тармоғи орқали қўшни Туркманистон энергетика тизимидан соатига ўртача 650 МВт электр энергияси импорти амалга оширилмоқда эди.

"Ҳаво тармоғи ўчиши сабабли аварияга қарши автоматика тизими ишлаши оқибатида Навоий, Бухоро ва Сурхондарё вилоятларида юкламаси 375 МВтга тенг истеъмолчилар автоматик тарзда тармоқдан узилди. Шунингдек, 40 МВт АБМК Бухоро вилояти ҳудудига қарашли насослар ва 20 МВт Навоий вилояти ҳудудига қарашли насослар тармоқдан узилган. Тармоқдан узилган истеъмолчилар ва насос станцияларини зудлик билан улаш ва электр станцияларидаги заҳира қувватларини ишга киритиш бўйича жойларга соат 10:57 да тегишли топшириқлар берилган ва импорт амалиёти вақтинча тўхтатилганидан қатъий назар ўзбекистонлик истеъмолчиларга электр таъминоти етказиб берилмоқда.

ЛЭП - Sputnik Ўзбекистон
Туркманистон Ўзбекистонни электр энергияси билан таъминлайди

Расмий баёнотларимиз ижтимоий тармоқ саҳифаларида асоссиз тахминлар орқали турлича талқин этилмаслиги учун шуни алоҳида таъкидлаймизки, "Сердар" ва "Қоракўл" подстанцияларини боғловчи 500 квли электр узатиш тармоғи "Туркменэнерго" давлат электр энергетика корпорацияси балансида бўлиб, импорт амалиётида вақтинча узилишлар бўлиши (тузатиш-таъмирлаш ишларининг олиб борилиши) Ўзбекистон электр энергетика умумтизимига жиддий таъсир кўрсатмайди", - дейилади хабарда.

"Туркменэнерго" давлат электр энергетика корпорацияси ҳудудий бўлимлари томонидан носозлик сабабини аниқлаш ва бартараф этиш мақсадида бир нечта бригадалар ташкил қилиниб, магистрал линияларининг зарар етган жойларини аниқлаш ва бартараф этиш учун юборилган.

Маълум қилинишича, носозликлар тез орада бартараф этилиб, электр энергия импорти амалга оширилаётган линия қайта уланади.

Янгиликлар лентаси
0