ТОШКЕНТ, 14 янв – Sputnik. Тожикистон ва Қирғизистон футбол клублари Ўзбекистон Лига Кубоги мусобақасида иштирок этиш учун таклиф этилди. Championat.Asia хабарига асосан.
Республикалар футбол федерацияларга тегишли таклифномалар юборилди.
Ўзбекистон ПФЛ бош директори ўринбосари Диёр Имомхўжаев сўзларига кўра, мусобақага тожик ва қирғиз клубларининг қўшилиши ҳар тарафлама фойдали бўлиши мумкин. Лига кубогида бошқа мамлакат жамоалари иштирок этса, бу орқали улар халқаро ўйинларга секинлик билан кўникма ҳосил қилиб боради.
Қўшни республика жамоаларининг қўшилиши мухлислар соғинган дербиларни қайтариши мумкин.
Шунингдек, футбол мухлислари сабаб туризмда ҳам ижобий ўзгаришлар кўзга ташланиши мумкин.
Кейинроқ мазкур мусобақада Туркманистон, Афғонистон жамоалари ҳам иштирок этиши режалаштирилган.
