Американинг Ҳаваи оролларида жойлашган Иноуэ қуёш телескопи (Daniel K. Inouye Solar Telescope) ёрдамида қуёш юзасининг шу вақтга қадар инсоният томонидан олинган энг яқин сурати эълон қилинди.
Ушбу суратда қуёш юзининг 36 000 х 36 000 км булган квадрати акс этган. Суратда қуёш юзасида жараёнларни яхшироқ тушунишга ёрдам беради.
Олимлар айтишига қараганда, бу янгилик ёрдамида Ер шарида об ҳаво ва магнит бўронларини олдиндан айтиб бериш учун жуда яхши имкониятдир. Шунингдек қуёшнинг ҳаво транспорти, сунъий йўлдош алоқаси ва Ердаги электр тармоқларига таъсирини ўрганиш мумкин.
Ушбу фотосуратлар Daniel K Inouye фондига тегишли бўлган қуёш телескопи ёрдамида суратга олинган. Қуёш телескопи АҚШнинг Ҳавай архипелагидаги Мауи оролида жойлашган.
