Тожикистон Ўзбекистонга "Умра+" тадбирларини ташкил этиш таклифини билдирди

© © Sputnik / Амир ИсаевДворец Нации в Душанбе, архивное фото
Дворец Нации в Душанбе, архивное фото - Sputnik Ўзбекистон
Oбуна бўлиш
Тожикистон ўз зиёратчиларини Ўзбекистоннинг Самарқанд, Бухоро ва Тошкент сингари шаҳарларини айлантириб, сўнгра жорий этилган рейслар орқали умра ибодатларига йўналтирмоқчи

ТОШКЕНТ, 11 фев - Sputnik. Тожикистон мусулмонлари идораси қошидаги иккита ваколатли ширкат Ўзбекистон дин ишлари бўйича қўмитага "Умра+" тадбирларини ҳамкорликда ташкил этиш бўйича таклиф билан чиқди, деб хабар қилмоқда Sputnik Ўзбекистон мухбири дин ишлари бўйича қўмита раисининг биринчи ўринбосари Музаффар Комиловга таянган ҳолда.

Из Саудовской Аравии вернулась первая группа узбекских паломников - Sputnik Ўзбекистон
Ўзбекистонлик зиёратчилар учун Умра парвозлари икки бараварга оширилди

"Тожикистон Республикасидан бир хат келди "Умра+" зиёратларини шакллантириш бўйича. Кейин аниқлаштирсак, бу Тожикистон мусулмонлари идораси қошидаги иккита ваколатли ширкат томонидан йўлланган хат экан. Унда зиёратчиларни Ўзбекистонга олиб келиб, Самарқанд, Бухоро ва Тошкент шаҳарларини айлантириб, сўнгра жорий этилган рейслар орқали умра ибодатларига йўналтирсак, деган таклиф билдирилган", - деди Комилов.

Таъкидланишича, Ўзбекистон томони ушбу таклифни мамнуният билан қабул қилган ва у ҳозирда ўрганиб чиқилмоқда.

"Натижаларини халқимиз манфаати нуқтаи-назаридан ҳал қиламиз", - деб қайд этди Комилов.

Янгиликлар лентаси
0