АҚШ Афғонистон президенти инаугурациясини кейинга қолдиришни сўрамоқда

© Sputnik / Алексей ВитвицкийПрезидент Афганистана Ашраф Гани
Президент Афганистана Ашраф Гани  - Sputnik Ўзбекистон
Oбуна бўлиш
Ашраф Ғани ўтган ҳафтада ўз ғалабаси ҳақида эълон қилиб, пайшанба куни қасамёд қабул қилишини маълум қилган эди.

ТОШКЕНТ, 25 фев - Sputnik. АҚШ толиблар билан келишув бекор қилиниши хавфи туфайли афғон президенти Ашраф Ғанидан ўз инаугурациясини кечиктиришни сўрамоқда, деб хабар қилди РИА Новости.

Боевики движения Талибан - Sputnik Ўзбекистон
Толиблар АҚШ Афғонистоннинг урушдан кейинги ривожланишида иштирок этишига рози

Сал олдин "Толибон" радикал ҳаракати Ашраф Ғанининг Афғонистон президентлигига қайта сайланиши мамлакатда олиб борилаётган тинчлик жараёнига зид эканлигини маълум қилганди.

Толиблар бўлиб ўтган сайловларга "юзаки", "кўзни шамғалат қилувчи", дея баҳо бердилар.

Ашраф Ғани ўтган ҳафтада ўз ғалабаси ҳақида эълон қилиб, пайшанба куни қасамёд қабул қилишини маълум қилган эди.

Президент Афганистана Мохаммад Ашраф Гани  - Sputnik Ўзбекистон
Афғонистон президенти сайловида "Янги афғон патриотлари" ғолиб чиқди - эксперт

Афғонистондаги президент сайловлари 28 сентябрда бўлиб ўтди. Хабар берилишича, дастлабки натижаларга кўра, мамлакатнинг амалдаги президенти Ғани сайловчиларнинг 50,64% овозини олишга муваффақ бўлди. Иккинчи ўринни 39,52% овоз билан Афғонистоннинг Ижроия ҳукумати раҳбари Абдулла Абдулла эгаллаган. Афғонистоннинг собиқ бош вазири, "Хизб-э-Исломий" (Афғонистон ислом партияси) етакчиси Гулбиддин Ҳикматёр 3,85% овоз олган. Президентликка сайлов пойгасида иккинчи ўринни эгаллаган Абдулла Facebookдаги аккаунтида, сайловларнинг дастлабки натижаларидан рози эмаслигини айтиб, овозларнинг текширилишини талаб қилди.

Ўтган ҳафта жума куни АҚШ Давлат котиби Майк Помпео 29 февраль куни АҚШ "Толибон" радикал ҳаракати билан битим имзолашга тайёргарлик кўраётгани ҳақида баёнот қилган эди. Tolo News телеканали ҳам толиблар баёнотига таянган ҳолда, "Толибон" ҳаракати битим имзоланиши санасини тасдиқлагани ҳақида хабар берди.

Янгиликлар лентаси
0