ТОШКЕНТ, 5 мар - Sputnik. Кеча Грозний шаҳрида бўлиб ўтган футбол ўйинида “Ахмат” ва “Зенит” мухлисларининг оммавий муштлашуви туфайли ўйин тўхтатилди, RT хабарига асосан.
Меҳмонлар трибунасида бўлган “Зенит” мухлисларидан бир неча киши футболкаларини ечгани “Ахмат” мухлисларига ёқмади. Улар буни маҳаллий урф-одатларга ҳурматсизлик деб тушунишди.
Шундан сўнг юзлаб мухлислар ўйин ҳақида унутиб қарама-қарши трибуналарда ўтирган меҳмонлар томон югуришди.
Стюартлар уларни тўхтатишга ҳаракат қилишди. Ўйин тўхтатилди, “Ахмат” жамоаси дарвозабони ва футболчилари ўз мухлисларини тинчлантиришга ҳаракат қилишди. “Зенит” жаоаси ҳам ўз мухлисларига юзланиб уларни вазминликка чақирди.
Бир неча дақиқадан сўнг футбол давом этди, якуний натид 1:2 ҳисобида “Зенит” фойдасига ҳал бўлди.
Ўйиндан кейин ушбу вазият юзасида бўлган муҳокамада Зенит бош мураббийи ўз мухлислари билан суҳбат ўтказишни ваъда берди. Унинг сўзларига кўра, можарога айрим фанатларнинг маҳаллий урф-одатларни билмагани сабаб бўлган.
