Сиёсат

Мирзиёев “Лукойл” раҳбари билан янги лойиҳаларни муҳокама қилди

© Пресс-служба президента УзбекистанаШавкат Мирзиёев принял президента российской компании «ЛУКОЙЛ» Вагита Алекперова
Шавкат Мирзиёев принял президента российской компании «ЛУКОЙЛ» Вагита Алекперова - Sputnik Ўзбекистон
Обуна бўлиш
Yandex newsTelegram
Шавкат Мирзиёев Россиянинг “Лукойл” компанияси президенти Вагит Алекперовни қабул қилди. Учрашувда ўзаро манфаатли ҳамкорликни янада кенгайтириш истиқболлари кўриб чиқилди.

ТОШКЕНТ, 5 мар — Sputnik. Ўзбекистон президенти Шавкат Мирзиёев Россиянинг “Лукойл” компанияси президенти Вагит Алекперовни қабул қилди.

Давлат раҳбари матбуот хизмати хабарига кўра, учрашувда ўзаро манфаатли ҳамкорликни янада кенгайтириш истиқболлари кўриб чиқилди.

Қайд этилишича, компаниянинг корпоратив бошқарув ва нефт-газ тармоғида рақамли технологияларга ўтиш борасидаги тажрибаси ва илғор ечимларини жалб этиш масаласига алоҳида эътибор қаратилди.

“Ўзбекистон ҳудудида геология-қидирув соҳасида ҳамда углеводород конларини, шу жумладан, қазиб олиниши қийин бўлганларини ўзлаштириш борасида кооперацияни мустаҳкамлаш имкониятлари муҳокама қилинди”, - дейилган хабарда.

Илмий изланишлар ҳамда энергетика сектори учун юқори малакали кадрларни тайёрлаш соҳасида ҳамкорлик қилиш устувор йўналиш сифатида белгилаб олинди.

Министерство дошкольного образования - Sputnik Ўзбекистон
Жамият
Ўзбекистонда “Лукойл” компанияси лойиҳаси асосида 3 та боғча қурилади

Бугунги кунда компаниянинг қўшма лойиҳаларга киритган сармоялари ҳажми 10 миллиард доллар атрофида. Йилига 8 миллиард куб метрдан зиёд табиий газни қайта ишлаш қувватига эга Қандим газни қайта ишлаш мажмуаси муваффақиятли фаолият юритмоқда. Жануби-Ғарбий Ҳисор ва Устюртдаги конларни ўзлаштириш давом этяпти.

Бундан ташқари, “Лукойл” мамлакатдаги ижтимоий дастурларни фаол қўллаб-қувватламоқда.

Янгиликлар лентаси
0