Шавкат Мирзиёев 8 март муносабати билан 83 нафар маҳкумаларни афв этди

© Sputnik / Алексей ФилипповСледственный изолятор
Следственный изолятор - Sputnik Ўзбекистон
Oбуна бўлиш
Афв этилган аёлларнинг 12 нафари жазодан тўлиқ озод қилинади, 29 нафари жазони ўташдан муддатидан илгари шартли озод қилинади. Афв этилганларнинг 7 нафарини чет эл фуқаролари ташкил этади.

ТОШКЕНТ, 7 мар — Sputnik. “Халқаро хотин-қизлар байрами муносабати билан озодликдан маҳрум этиш жазосини ўтаётган бир гуруҳ маҳкума аёлларни афв этиш тўғрисида”ги Ўзбекистон президенти фармони қабул қилинди.

Фармонга мувофиқ адашиб, билиб-билмай жиноят содир этган, ҳозирги вақтда қилмишига чин кўнгилдан пушаймон бўлган ва тузалиш йўлига қатъий ўтган жазо муддатини ўтаётган 83 нафар аёллар афв этилди.

Подпись документов - Sputnik Ўзбекистон
Шавкат Мирзиёев 92 кишини афв этди

Афв этилган аёлларнинг 12 нафари жазодан тўлиқ озод қилинади, 29 нафари жазони ўташдан муддатидан илгари шартли озод қилинади, 17 нафарига тайинланган жазо енгилроқ жазо билан алмаштирилади.

Бир сўз билан айтганда, 58 нафар аёл жазони ижро этиш муассасаларидан озод қилинмоқда.

Шунингдек, 25 нафар маҳкума аёлга тайинланган озодликдан маҳрум этиш жазосининг муддатлари қисқартирилади.

Афв этилганларнинг 7 нафарини чет эл фуқаролари ташкил этади.

Янгиликлар лентаси
0