Жамият

ССВ коронавирус тарқалгани ҳақидаги аудиохабарга раддия берди

© Информационная служба Министерства здравоохраненияЗдание министерства здравоохранения Узбекистана
Здание министерства здравоохранения Узбекистана - Sputnik Ўзбекистон
Ўзбекистонга коронавирус инфекциясининг кириб келганлиги тўғрисидаги тарқалган аудиохабар Соғлиқни сақлаш вазирлиги томонидан рад этилди.

ТОШКЕНТ, 12 мар — Sputnik. Ўзбекистонга коронавирус инфекциясининг кириб келганлиги тўғрисидаги тарқалган аудиохабар Соғлиқни сақлаш вазирлиги томонидан рад этилди. Бу ҳақда вазирликнинг Жамоатчилик билан алоқалар бўлими орқали маълум қилинди.

Узбекистан направил гуманитарную помощь в Китай - Sputnik Ўзбекистон
Сиёсат
Ўзбекистон Эронга гуманитар ёрдам юборади

Шунингдек, Олмалиқ шаҳрида вирус туфайли 17 нафар фуқаронинг вафот этганлиги, Соғлиқни сақлаш вазирлиги томонидан ёпиқ йиғилиш ўтказилганлиги ҳақидаги аудихабарда айтилган фактлар ҳам мутлақо ёлғон ва асоссиз эканлиги таъкидланди.

“Такрор бўлса-да, айтиб ўтиш лозимки, дунёдаги эпидемик вазиятдан келиб чиққан ҳолда мамлакатимизда коронавирус инфекциясининг олдини олиш борасида барча зарур чора-тадбирлар амалга оширилмоқда ва бу жараён қатъий назоратга олинган” –  дейилади вазирлик хабарида.

Куни кеча ижтимоий тармоқларда Ўзбекистонга вирус кириб келганлиги, Олмалиқда ушбу вирусдан фуқаролар вафот этётгани ва Соғлиқни сақлаш вазирлигида бу бўйича ёпиқ йиғилиш ўтказилгани ҳақида аёл киши томонидан аудиохабар тарқатилган эди.  

Сўнгги маълумотларга кўра, жорий йилнинг 15 январидан айни пайтга қадар мамлакат бўйича 14 кунлик тиббий кузатувга олинган фуқаролардан 5082 нафарида ҳеч қандай инфекция аломатлари аниқланмаганлиги учун кузатувдан чиқарилган, 2214 нафар фуқароларда эса тиббий кузатув давом эттирилмоқда.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала