Туризм

Таиланд Ўзбекистон фуқаролари учун аэропортда кириш визаларини беришни бекор қилди

Таиланд Қироллиги Ҳукумати 18 та давлат, жумладан Ўзбекистон фуқаролари учун мамлакат аэропортларида кириш визаларини (Visa on Arrival) расмийлаштириш тартибини бекор қилди.

ТОШКЕНТ, 12 мар — Sputnik. Ўзбекистон Ташқи ишлар вазирлиги Таиландга боришни режалаштираётган фуқароларга мурожаат қилиб, Қироллик виза бериш тартибини кучайтирганини маълум қилди.

Самолёт авиакомпании Узбекистон хаво йуллари - Sputnik Ўзбекистон
Жамият
Uzbekistan airways Таиланд ва Малайзияга қўшимча қатновларни киритди

Мамлакатнинг Бангкок шаҳридаги бош консулхонаси берган маълумотга кўра, Таиланд Қироллиги Ҳукумати 18 та давлат, жумладан Ўзбекистон фуқаролари учун мамлакат аэропортларида кириш визаларини (Visa on Arrival) расмийлаштириш тартибини бекор қилган. Бунга дунё бўйлаб COVID-19 коронавирусининг тарқалиши сабаб бўлган.

Таъкидланишича, Таиланд томони мазкур мамлакатларнинг фуқароларига кириш визаларини қиролликнинг хориждаги дипломатик ваколатхоналаридан бирида расмийлаштиришни тавсия қилмоқда. Ушбу жараён номаълум муддатга жорий қилинмоқда ва коронавирус тарқалиши даражасининг пасайганидан кейин қайта кўриб чиқилади.

ТИВ Таиланд, Камбоджа ва Лаос ҳудудида бўлиб турган Ўзбекистон фуқароларига зарур ҳолатларда мамлакатнинг Бангкок шаҳридаги бош консулхонасига +66-2-675-39-95 ва +66-9-5502-6770 телефон рақамлари орқали мурожаат қилишлари мумкинлигини эслатиб ўтган.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала