ТОШКЕНТ, 13 мар - Sputnik. Татаристон Мусулмонлари диний бошқармаси коронавируснинг тарқалиши муносабати билан тавсиялар берди, унда имомларга масжидларда намоз вақтларини имкон қадар қисқартириш ва қўл бериш кўришмаслик тавсия этилади, деб хабар беради РИА Новости.
Аввалроқ Россия мусулмонлари диний бошқармаси диндорларга қўл бериб ёки ўпишиб кўришишдан тийилишни, шунингдек коронавирус тарқалиши билан боғлиқ вазият ўзгармагунча чет элга зиёрат қилишдан бош тортишни тавсия қилган эди.
"Азон ва иқомат ўртасидаги вақтни қисқартириш, жума хутбаси ва мусулмонлар қатнашиши керак бўлган бошқа байрам тадбирларини, суҳбат ва Қурбон байрамини қисқартириш тавсия этилади", - дейилади тавсияларда.
Шунингдек, имомларга, намозхонларга эпидемия пайтида ўзини тутиш қоидалари ҳақида айтиб бериш ва ибодат қилинганидан кейин қўл силкитишдан тийилиш тавсия этилади.
Намозҳонлар учун тавсиялар жуда одатийдир: вирус юқиши эҳтимоли юқори бўлган мамлакатларга саёҳат қилмаслик, тозалик ва гигиена масалаларига алоҳида эътибор бериш, вақти-вақти билан хоналарни дезинфекция қилиш, ўзини ёмон ҳис қилган тақдирда, дарҳол шифокор билан маслаҳатлашиш ва гавжум жойларга ташриф буюрмаслик.
11 март куни Жаҳон соғлиқни сақлаш ташкилоти янги коронавируснинг тарқалишини пандемия деб тан олди. Дунёда 110 дан ортиқ мамлакатда 125 мингдан ортиқ одам юқтирилган, уларнинг аксарияти тузалиб кетган, аммо 4 мингдан ортиқ одам вафот этган.
Москвада 19 та коронавирус ҳолати аниқланди.
