ТОШКЕНТ, 19 мар — Sputnik. Ўзбекистонда хизмат кўрсатган спорт устози Борис Григорьев вафот этди. Бу ҳақда Спорт вазирлигининг ахборот хизмати маълум қилмоқда.
Тажрибали мураббий Борис Иванович узоқ йиллар давомида Марказий Ҳарбий Спорт Клубининг дзюдо бўлимида бош мураббий бўлиб ишлаган ва ёш спортчиларни тарбиялаб келган.
Айниқса, у мамлакатга ҳарбий спортчиларни тайёрлаб беришда ўзининг улкан ҳиссасини қўшиб келган.
Мураббийнинг қўл остида Абдулла Тангриев, Рамзиддин Саидов, Ришод Собиров каби таниқли ҳарбий-дзюдочилар машғулот ўтказиб, катта-катта мусобақаларга чиққан.