ТОШКЕНТ, 19 мар — Sputnik. Россиядан Ўзбекистонга қайтган 528 нафар фуқаро Тошкент вилояти Бўстонлиқ туманидаги “Сокол” спорт-соғломлаштириш марказига карантинга олинди.
Вилоят ҳокимлиги матбуот хизмати хабарига кўра, улар тўлиқ текширувдан сўнг карантинга олинган. Карантинга олинганлар зарур тиббий-гигиеник воситалар, уч маҳал иссиқ овқат ва бошқа эҳтиёж буюмлари билан таъминланган.
Барча фуқаролардан коронавирус инфекциясини текшириш учун суртмалар олинган, касалликка гумон қилинганлар ҳозирча йўқ.
Вилоят ҳокими Рустам Холматов 14 кунлик тиббий назоратга олинган фуқароларга барча зарур шароитлар яратилишига бошчилик қилган.
Эслатиб ўтамиз, 18 март куни 177 нафар Ўзбекистон фуқаролари Мисрдан олиб чиқилиб, Навоий вилоятининг Кармана тумани ҳудудидаги соғломлаштириш марказига 14 кунлик карантинга олингани хабар қилинган эди.
