Самарқанд вилоятида карантинга олинган эркак қочиб кетди

© Sputnik / Виталий Белоусов / Медиабанкка ўтишВодитель скорой медицинской помощи возле больницы для пациентов с подозрением на коронавирус
Водитель скорой медицинской помощи возле больницы для пациентов с подозрением на коронавирус - Sputnik Ўзбекистон
Oбуна бўлиш
Эпидемияга қарши кураш қоидаларини бузганлик учун қонунда белгиланган тартибда жиноий жавобгарликка тортилади

ТОШКЕНТ, 21 мар - Sputnik. Тошкент вилояти ИИББ Паркент тумани ИИБ ходимлари томонидан Самарқанд вилоятида карантинда бўлиб туриб, белгиланган тартиб қоидаларга амал қилмай қочган шахс ушланди.

Коронавиус карантини - Sputnik Ўзбекистон
Ўзбекистонда карантин ҳақида нималарни билиш керак

Тафсилотларга кўра, жорий йилнинг 19 март куни Россия Федерациясининг Самара шаҳридан Ўзбекистонга кириб келган поезд йўловчилари, эпидемик вазиятдан келиб чиқиб, ўрнатилган тартибда, Самарқанд вилоятига ташкил этилган карантин марказларига жойлаштирилган.

Аммо, Паркент туманида яшовчи 1954 йилда туғилган фуқаро Т. Э. белгиланган тартиб қоидаларга амал қилмай карантиндан қочган.

Ҳозирда ушбу шахс ўз уйида ушланган ва эҳтиёт чораси сифатида изоляцияга олинган. Шунингдек, фуқарога  нисбатан Ўзбекистон Жиноят Кодексининг 257-1-моддаси  (санитарияга оид қонун ҳужжатларини ёки эпидемияга қарши кураш қоидаларини бузиш) билан жиноят иши қўзғатилган ва ҳозирда тергов ҳаракатлари олиб борилмоқда. Батафсил маълумот берилади.

Мамлакатимизда инфекциясининг кенг тарқалишига йўл қўймаслик мақсадида карантин эълон қилинган. Мазкур вазиятда давлат идораларининг асосий вазифаларидан бири аҳоли ўртасида саросимага йўл қўймаслик ва қисқа муддат ичида мазкур инфекциянинг тарқалишига қарши курашишдир. Шу билан бирга, аҳоли тинчлиги ва жамоат тартибини сақлаган ҳолда жиноятчиликнинг олдини олишдан иборат.

Эслатиб ўтамиз, эпидемияга қарши кураш қоидаларини бузганлик учун қонунда белгиланган тартибда жиноий жавобгарликка тортилади.

Янгиликлар лентаси
0