ТОШКЕНТ, 4 апр - Sputnik. АҚШ Мудофаа вазирлиги ҳукумат илтимосномасига кўра, Нью-Йоркка дафн бригадасини юборди, деб хабар қилди FreeTVOnline.
Бригада 42 аскардан иборат, улар коронавирусдан вафот этган одамларни кўмиш ва кремация қилишда ёрдам бериши таъкидланмоқда.
Қўшимча армия кучлари бошқа регионларга ҳам ташланмоқда.
Эслатиб ўтамиз, куни кеча, 3 апрель куни Нью-Йорк штати губернатори Эндрю Куомо тақдим этган маълумотларга кўра, штатда бир суткада коронавирус инфекциясига чалинган беморлар сони 100 мингдан ошган ва 102 863тага етган, қурбонлар сони 2373дан 2935тага ошган.
АҚШдаги эпидемия эпимаркази айнан Нью-Йоркда кузатилмоқда.
Губернатор шунингдек, 14 810 киши касалхонага ётқизилгани, 3731 бемор жонлантириш бўлимида ётгани ва 8886тасига касалхонадан жавоб берилгани ҳақида маълум қилган.
