Ҳодисалар

Нью-Йоркда икки ўзбекистонлик COVID-19 дан вафот этди

© Sputnik / Татьяна Столярова / Фотобанкка ўтишНью-Йорк во время режима ЧС
Нью-Йорк во время режима ЧС - Sputnik Ўзбекистон
Коронавирус ўчоғи бўлган Нью-Йорк шаҳрида истиқомат қилувчи икки ўзбекистонлик COVID-19 коронавируси инфекциясидан вафот этди.

ТОШКЕНТ, 5 апр — Sputnik. АҚШда Ўзбекистон фуқаролари орасида COVID-19 коронавирус инфекциясидан илк ўлим ҳолатлари қайд этилди. Бу ҳақда мамлакатнинг Вашингтондаги элчисихонаси матбуот хизмати хабар қилмоқда.

Хабарда ёзилишича, вафот этганлардан бири 51 ёшли эркак киши, иккинчиси эса 69 ёшдаги аёл кишидир. Уларнинг ҳар иккиси ҳам Нью-Йорк шаҳрида истиқомат қилган.

Пробирка с коронавирусом 2019-nCoV - Sputnik Ўзбекистон
Жамият
Австрияда Ўзбекистон фуқаросида коронавирус аниқланган

Ўзбекистоннинг АҚШдаги дипломатик муассасаси фуқароларнинг қариндошлари ва яқинларига чуқур ҳамдардлик билдирган.

Шунингдек, Америка Қўшма Штатлари ва Канададаги ҳамда Америка қитъасининг бошқа мамлакатларидаги барча фуқаролардан барча хавфсизлик чораларига риоя қилиш, маҳаллий ҳокимият ва шифокорларнинг тавсияларига қатъий риоя этиш ҳамда уйда қолиш сўралган.

Таъкидланишича, Ўзбекистоннинг Вашингтондаги элчихонаси ва Нью-Йоркдаги бош консуллиги туну кун ишламоқда. Барча масалалар бўйича (202) 887-5300 (ext. 1) (элчихона) ва (212) 754-7403, (212) 754-6178 (бош консулхона) рақамларига мурожаат қилиш мумкин.

Сўнгги маълумотларга кўра, АҚШ коронавирус беморлари бўйича етакчи бўлиб қолмоқда, у ерда касалланганлар сони 312 минг кишидан ошган. 8503 киши вафот этган.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала