Жамият

Чет элдан қайтишни истамаганларнинг фуқароликдан чиқарилиши ҳақидаги хабар рад этилди

© Sputnik / Рамиз БахтияровЗдание МИД Узбекистана
Здание МИД Узбекистана - Sputnik Ўзбекистон
Ижтимоий тармоқларда Ўзбекистон президенти 31 март куни йиғилиш ўтказгани ва барча фуқароларни 10 апрелга қадар ватанга қайтариш тўғрисида фармон имзолагани, ватанга қайтишни истамаганлар фуқароликдан маҳрум қилиниши ҳақида хабарлар тарқалмоқда.

ТОШКЕНТ, 8 апр — Sputnik. Ташқи ишлар вазирлиги Ўзбекистонга қайтишни истамаган шахслар мамлакат фуқаролигидан маҳрум қилиниши ҳақидаги хабарларни инкор қилди.

Маълум қилинишича, Ташқи ишлар вазирлигига, чет элдаги, айниқса қўшни мамлакатлардаги дипломатик ваколатхоналарга ҳам шу мавзуда кўплаб мурожаатлар келиб тушмоқда.

“Ушбу хабар эса ҳеч бир расмий манбаларда эълон қилинмагани сабабли ҳақиқатга тўғри келмаслигини маълум қиламиз”, - дейилган хабарда.

Вазирлик фуқаролардан асоссиз хабарларни тарқатмасликни, ижтимоий тармоқлардаги бирор маълумотни бўлишишдан олдин уни расмий манбалар орқали текшириб кўришни сўраган.

Эслатиб ўтамиз, аввалроқ Ўзбекистон фуқароларини Россиядан олиб кетиш масаласи 20 апрелгача қолдирилгани хабар қилинган эди.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала