ТОШКЕНТ, 13 апр — Sputnik. Ўзбекистонда 13 апрель соат 18:00 ҳолатига кўра, коронавирус инфекциясини юқтириб олган фуқаролар сони 934 кишига етди, деб хабар қилди Соғлиқни сақлаш вазирлиги.
Ўзбекистонда коронавирусдан тўлиқ тузалганлар сони 85 нафарга етди.
Жаҳон соғлиқни сақлаш ташкилоти 11 март куни янги турдаги COVID-19 коронавируси инфекцияси тарқалишини пандемия деб эълон қилди.
Жонс Хопкинс университетининг охирги маълумотларига кўра, бутун дунёда 1,85 миллион киши бу вирусга чалинган, улардан 435 минг киши соғайган. 114 331 ўлим ҳолатлари қайд этилган.
Касалланиш ҳолатлари энг кўп қайд этилган давлатлар - АҚШ (557 590), иккинчи ўринда Испанияда (166 800) ва учинчи - Италия (156 363).
