ТОШКЕНТ, 13 апр - Sputnik. Ўзбекистонда коронавирусга чалинганлар сони 896 кишига етди, деб хабар қилмоқда Koronavirus Info телеграм канали.
"2020 йил 13 апрель соат 10:00 ҳолатига кўра, Ўзбекистонда коронавирус инфекцияси қайд этилганлар сони 896 нафарни ташкил қилмоқда", - дейилган хабарда.
Кеча 12 апрел куни соат 23:00 ҳолатига Ўзбекистонда аниқланган янги беморлари жами сони 98 кишини ташкил қилган эди. Шунингдек, Тошкент, Бухоро ва Хоразмда даволанган беморларнинг 24 нафари тузалиб, соғайганлар сони 66 кишига етди. Вафот этганлар сони 4 кишини ташкил қилди.
Эслатиб ўтамиз, Наманган шаҳри ва Учқўрғон туманида 13 апрель соат 06:00дан бошлаб, фуқароларнинг кўчага чиқиши деярли бутунлай тақиқланади. Фақат юз метр масофадаги савдо нуқталарига кунига бир марта чиқишга рухсат берилган.
