Миграция

Федерация кенгаши мигрантларга ишсизлик нафақасини тўлаш ғоясига муносабат билдирди

© Sputnik / Александр Гальперин / Фотобанкка ўтишОчереди мигрантов в УФМС
Очереди мигрантов в УФМС - Sputnik Ўзбекистон
Аввалроқ меҳнат мигрантларини вақтинча Россия фуқароларига тенглаштириш ва уларга ҳам ишсизлик нафақасини тўлаш таклиф қилинган эди.

ТОШКЕНТ, 20 апр — Sputnik. Ҳукумат меҳнат мигрантларига ишсизлик нафақасини тўлашга оид мустақил равишда қарор қабул қилиши мумкин. Бунинг учун қонунчиликка тузатиш киритиш шарт эмас. Бу ҳақда РИА Новостига Россия Федерация кенгаши ижтимоий қўмитаси раҳбарининг биринчи ўринбосари Валерий Рязанский маълум қилди.

“Коронавирус тарқалиши таҳдиди туфайли Ҳукуматнинг унга берилган ваколатлари доирасида бундай қарор қабул қилишга ҳуқуқи бор”, - деди Рязанский.

ОТМЕНА ОПЛАТЫ ПАТЕНТА! | Сроки действия, продление документов и как работать в карантин | ФМР - Sputnik Ўзбекистон
Видео
Россияда мигрантлар учун патент тўлови бекор қилинди – батафсил видеода

Унинг таъкидлашича, иш берувчилар билан расмий равишда шартнома тузган меҳнат мигрантлари бу масалани бевосита ўз раҳбарияти орқали ҳал қилиши мумкин.

“Иш берувчи расмий шартнома тузмаган чет эллик ишчилар мигрантлар ассоциацияси ёки ўз элчихоналарига мурожаат қилишлари мумкин. Сўнгра бу маълумот Россия Федерацияси ҳукуматига етказилиши мумкин”, - деди Рязанский.

У ҳукуматнинг бунга ўхшаш масалаларни ҳал қилиш учун захира жамғармаси, махсус грантлари мавжудлигини тушунтирди

“СТА ташаббуси тушунарли, оғир аҳволда қолган кишилар оч қолиши мумкин, уларни бирор бир моддий томон билан таъминлаш лозим”, - дея таъкидлади парламентарий.

Унинг фикрига кўра, бу масала ҳал қилинмаса, у мигрантлар томонидан ноқонуний хатти-ҳаракатлар ўсишига олиб келиши мумкин.

Эслатиб ўтамиз, Стратегик ташаббуслар агентлиги Россияда мигрантларга ҳам вақтинча ишсизлик нафақасини тўлашни таклиф қилган эди.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала