ТОШКЕНТ, 12 май — Sputnik. Сирдарё вилояти туманларида сув тошқини оқибатида узилган газ таъминотини тиклаш бўйича Энергетика вазирлиги ва "Сирдарё ҳудудгаз" МЧЖ томонидан махсус штаб ташкил этилди.
Бугунги кунга қадар 8 850 та уйга газ таъминоти тўлиқ тикланди. Улардан Оқолтин туманида 3950 та, Сардоба 3100 та, Мирзаобод туманида 1800 таси жойлашган.
Бундан ташқари, 5 195 хонадон суюлтирилган газ билан таъминланди, шу жумладан Сардобада 2195, Оқолтин 1224, Мирзаобод туманларида 1776.
Талафот оқибатларини бартараф этиш ишлари давом этмоқда.
