“Мотамсаро она” ҳайкали олдида ҳуқуқбузарлик қилган фуқаро 15 суткага қамалди

© Sputnik / Владимир ПесняСотрудник следственного изолятора
Сотрудник следственного изолятора - Sputnik Ўзбекистон
Oбуна бўлиш
Ғазалкентда жойлашган “Хотира” майдонидаги “Мотамсаро она” ҳайкали устига чиқиб, уят сўзларни айтиб бақир-чақир қилган фуқарога чора кўрилди.

ТОШКЕНТ, 18 май — Sputnik. “Мотамсаро она” ҳайкали олдида ҳуқуқбузарлик қилган шахс 15 суткага қамалди, деб хабар қилди Олий суд матбуот хизмати.

Хабарда айтилишича, ижтимоий тармоқларда Ғазалкент шаҳрида жойлашган “Хотира” майдонидаги “Мотамсаро она” ҳайкали устига чиқиб, уят сўзларни айтиб бақир-чақир қилган фуқаронинг хатти-ҳаракатлари акс этган видео тарқалган эди.

Бундан ташқари, у ички ишлар органи ходимнинг қонуний талабини бажармасдан, уни ҳам ҳақорат қилган. Боз устига, у тиббий ниқоб тақмасдан карантин қоидасини ҳам қўпол равишда бузган.

© Uza.uzВ социальных сетях было размещено видео, на котором видно, как мужчина забрался на памятник "Скорбящая мать"
“Мотамсаро она” ҳайкали олдида ҳуқуқбузарлик қилган фуқаро 15 суткага қамалди - Sputnik Ўзбекистон
В социальных сетях было размещено видео, на котором видно, как мужчина забрался на памятник "Скорбящая мать"

Шу каби сабаблар туфайли ушбу ҳолат бўйича маъмурий иш қўзғатилди. Маъмурий ишлар бўйича Бўстонлиқ тумани судида ушбу ишга оид суд мажлиси бўлиб ўтди.

Судья С.Матниязов раислигида ўтган мажлисда аниқланишича, юқоридаги ҳуқуқбузарликларни содир этган шахс 1980 йилда туғилган, шу туманда яшовчи А.Т. бўлиб, у зерикиб кетганидан шундай ҳолатга йўл қўйгани, маст ҳолда ҳақоратли сўзларни айтганини, аммо ҳозир бундан пушаймон эканини билдирган.

Суд қарорига кўра, А.Т.га 15 сутка маъмурий қамоқ жазоси тайинланди. Қамоқ харажатлари ҳам айбдордан ундирилади.

Янгиликлар лентаси
0