Россияда коронавирусдан вафот этганларни олиб келиш ва дафн қилиш жараёни қандай

© AP Photo/Ebrahim NorooziПохороны человека, скончавшегося от COVID-19
Похороны человека, скончавшегося от COVID-19 - Sputnik Ўзбекистон
Oбуна бўлиш
Нурмат Отабеков Россияда коронавирусдан вафот этган Ўзбекистон фуқаросини олиб келиш ва дафн қилиш жараёни қандай амалга оширилишини тушунтирди.

ТОШКЕНТ, 18 май — Sputnik. Бош давлат санитария инспектори Нурмат Отабеков Россияда коронавирусдан вафот этган Ўзбекистон фуқаросини олиб келиш ва дафн қилиш жараёни қандай амалга оширилишини тушунтирди. Бу масалада фуқаролар кимга мурожаат қилишлари кераклигини айтди.

  • COVID-19 касаллиги билан рўйхатга олинган ёки гумон қилиниб, вафот этган беморлар жасади тегишли патанатомия бўлими ёки Республика суд-тиббий экспертиза илмий маркази ва унинг ҳудудий филиалларига қарашли жасад ташийдиган махсус транспорт воситасида эпидемияга қарши барча чора-тадбирларга риоя қилган ҳолда ташилади;
  • патанатомия бўлими суд-тиббий экспертиза илмий маркази ва унинг ҳудудий филиаллари, шунингдек, чет давлатлардан ҳаво йўллари ва автомобил йўли орқали COVID-19 касаллиги билан рўйхатга олинган ёки гумон қилиниб, вафот этган беморлар тобути уйга олиб борилмасдан, тўғридан-тўғри қабристонга олиб борилиб, дафн этилади;
  • майитни кутиб олиш ва қабристонга етказиш тадбирлари алоҳида ажратилган махсус автотранспорт воситаси ёрдамида амалга оширилади;
  • майитни махсус транспорт воситасида олиб борилмасдан, яқинлари ва қариндош-уруғларига бериб юбориш қатъиян ман этилади;
  • шахси аниқланмаган ва қариндошлари томонидан олиб кетилиши рад этилган жасадлар алоҳида ажратилган қабристонга юқорида қайд этилган барча қоидаларга риоя этган ҳолда дафн этилади.

Отабеков бунга асос ССВ ҳузуридаги Санитария-эпидемиологик осойишталиги агентлигининг 2020 йил 26 апрелда имзоланган 04-8/2708 сонли алоҳида кўрсатма хати эканини қайд этди.

“Юқоридагилардан кўриниб турибдики, бу каби ҳолатларда ҳудудий Санитария-эпидемиологик осойишталиги марказларига мурожаат этиш зарур”, - деди у.

Янгиликлар лентаси
0