ТОШКЕНТ, 16 июн — Sputnik. Ўзбекистон Мудофаа вазирлиги тизимида қатор тайинловлар амалга оширилди.
Президентнинг тегишли ҳужжатларига асосан:
Алишер Нарбаев ҳамда Заирджон Базарбаев Ўзбекистон мудофаа вазирининг ўринбосарлари лавозимларига тайинланди.
Бунга қадар Алишер Нарбаев Қуролли Кучлар Бош штаби артиллерия бошқармаси бошлиғи – артиллерия қўмондони, Заирджан Базарбаев эса Мудофаа вазирлиги Моддий-техник таъминот бош бошқармаси бошлиғи лавозимида фаолият юритган.
Шунингдек, Фаррух Зиябаев Қуролли Кучлар Бош штаби бошлиғининг ўринбосари – Оператив бош бошқармаси бошлиғи;
Фарходжон Шерматов Қуролли Кучлар Шимоли-ғарбий ҳарбий округи қўшинлари қўмондони;
Абдулла Ҳамраев Олий ҳарбий авиация билим юрти бошлиғи лавозимларига тайинланди.
